உலக அளவில் சைவ உணவு உண்பவர்கள் அதிகம் உள்ள நாடாக இந்தியா உள்ளது. ஆனால் அசைவ உணவை சாப்பிடுவோரின் எண்ணிக்கையும் இந்தியாவில் அதிகமாகவே உள்ளது. நம் நாட்டில் பொதுவாக சைவ உணவா?அல்லது அசைவ உணவா என்றால் பலரின் ஃபேவரைட் உணவாக இருப்பது அசைவ உணவுகள். இந்தியாவில் 85 சதவீதத்திற்கும் அதிகமான மக்கள் அசைவ உணவை உட்கொள்வதாக சமீபத்திய கணக்கெடுப்பில் தெரியவந்துள்ளது.
நாட்டில் சிக்கன், மட்டன், மீன் என பல்வேறு வகையான அசைவ உணவுகளை பெரும்பாலான மக்கள் விரும்புகின்றனர். ஆனால் இந்தியாவில் எந்த மாநிலத்தில் அசைவ உணவு சாப்பிடுவோரின் எண்ணிக்கை அதிகமாக உள்ளது என்று உங்களுக்கு தெரியுமா?
இந்தியாவில் அதிக அசைவம் சாப்பிடுவோரின் எண்ணிக்கையில் நாகலாந்து முதலிடத்தில் உள்ளது. அதன் மக்கள்தொகையில் 99.8 சதவீதம் பேர் அசைவ உணவு உண்பவர்களாக அடையாளம் காணப்பட்டுள்ளனர்.
இதற்கு அடுத்தபடியாக மேற்கு வங்கம் இரண்டாவது இடத்தைப் பிடித்துள்ளது. இம்மாநிலத்தில், 99.3 சதவீத மக்கள் அசைவ உணவை உட்கொள்கின்றனர்.
கேரளா மூன்றாவது இடத்தைப் பிடித்துள்ளது, அதன் மக்கள்தொகையில் குறிப்பிடத்தக்க 99.1 சதவீதம் பேர் அசைவ உணவுகளைத் தேர்வு செய்கிறார்கள்.
அதிக அசைவ நுகர்வோர் பட்டியலில் ஆந்திரப் பிரதேசம் நான்காவது இடத்தைப் பிடித்துள்ளது, அதன் மக்கள் தொகையில் 98.25 சதவீதம் பேர் இறைச்சியில் ஈடுபடுகின்றனர்.
இந்த பட்டியலில் தமிழ்நாடு ஆறாவது இடத்தைப் பிடித்துள்ளது, 97.65 சதவீத மக்கள் அசைவ உணவை சாப்பிடுகின்றனர். இங்கு பலரின் ஃபேவரைட்டாக சிக்க பிரியாணி உள்ளது.
இந்த பட்டியலில் ஒடிஷா 7-வது இடத்தில் உள்ளது, அதன் மக்கள்தொகையில் சுமார் 97.35 சதவீதம் பேர் அசைவ உணவுகளை விரும்பி சாப்பிடுகின்றனர்.
Read More : அலுமினிய ஃபாயிலில் பேக் செய்த உணவை சாப்பிடுவதால் வரும் பெரும் ஆபத்து!!! எச்சரிக்கும் மருத்துவர்கள்..
