உலகின் மிகவும் பிரபலமான தலைவர் தரவரிசை பட்டியலில் பிரதமர் மோடி மீண்டும் முதலிடம் பிடித்துள்ளார்
உலகளாவிய புலனாய்வு நிறுவனமான மார்னிங் கன்சல்ட் நடத்திய கருத்துக்கணிப்பில் குறைந்தது 75% இந்தியர்கள் பிரதமர் நரேந்திர மோடிக்கு ஆதரவளித்துள்ளனர். இந்த ஆண்டு ஆகஸ்ட் 17 முதல் ஆகஸ்ட் 23 வரை கணக்கெடுப்பு நடத்தப்பட்டது.
முதல் 10 தலைவர்களின் பட்டியல்
- நரேந்திர மோடி (இந்தியா) – 75%
- ஆண்ட்ரேஸ் மானுவல் லோபஸ் ஒப்ரடோர் (மெக்சிகோ) – 63%
- அந்தோனி அல்பானீஸ் (ஆஸ்திரேலியா) – 58%
- இக்னாசியோ காசிஸ் (சுவிட்சர்லாந்து) – 52%
- மரியோ ட்ராகி (இத்தாலி) – 54%
- மாக்டலேனா ஆண்டர்சன் (ஸ்வீடன்) – 50%
- அலெக்சாண்டர் டி குரூ (பெல்ஜியம்) – 43%
- ஜெய்ர் போல்சனாரோ (பிரேசில்) – 42%
- ஃபுமியோ கிஷிடா (ஜப்பான்) – 38%
- மைக்கேல் மார்ட்டின் (அயர்லாந்து) – 39%
- ஜோ பிடன் (அமெரிக்கா) – 41%
- ஜஸ்டின் ட்ரூடோ (கனடா) – 39%
- இம்மானுவேல் மக்ரோன் (பிரான்ஸ்) – 34%
- பெட்ரோ சான்செஸ் (ஸ்பெயின்) – 34%
- ஜோனாஸ் கர் ஸ்டோர் (நோர்வே) – 30%
- ஓலாஃப் ஸ்கோல்ஸ் (ஜெர்மனி) – 30%
- கார்ல் நெஹாம்மர் (ஆஸ்திரியா) – 28%
- மேடூயஸ் மோரோவெய்கி (போலந்து) – 26%
- மார்க் ரூட்டே (நெதர்லாந்து) – 27%
- போரிஸ் ஜான்சன் (யுனைடெட் கிங்டம்) – 25%
- பீட்டர் ஃபியலா (செக் குடியரசு) – 22%
- யூன் சியோக்-யூல் (தென் கொரியா) – 21%
கொரோனா தொற்றுநோயைக் கையாள்வது குறித்து விமர்சனங்கள் இருந்தபோதிலும், பிரதமர் மோடி தலைமையிலான அரசாங்கம் தொற்றுநோயை சிறப்பாக கையாண்டாதாக பெரும்பாலான இந்தியர்கள் இன்னும் நம்புகிறார்கள். கோவிட்-19 தொற்றுநோய் தொடங்கியதைத் தொடர்ந்து, பிரதமர் மோடியின் மதிப்பீடு கடந்த 2020-ம் ஆண்டு 83% ஆக உயர்ந்தது, இரண்டாவது அலைக்கு மத்தியில் அவரது ஒப்புதல் மதிப்பீடு 65% ஐ எட்டியது..
இரண்டாவது அலையின் உச்சக்கட்டத்தின் போது அதிக பாதிப்பு பதிவாகியதால் நம்பிக்கை குறைந்ததாக தரவுகள் காட்டுகின்றன.. எனினும் ஆனால் பிரதமர் மோடி தலைமையிலான அரசாங்கம் இந்தியாவை சரியான திசையில் வழிநடத்துகிறது என்று குடிமக்கள் இப்போது நம்புகிறார்கள். 72% க்கும் அதிகமான இந்தியர்கள், பிரதமர் நரேந்திர மோடி நாட்டை சரியான திசையில் அழைத்துச் செல்கிறார் என்று நம்புகிறார்கள்.
கடந்த ஜனவரி மற்றும் கடந்த 2021-ம் ஆண்டு எடுக்கப்பட்ட கணக்கெடுப்பிலும், பிரதமர் மோடி பிரபல உலகத் தலைவர்கள் பட்டியலில் முதல் இடத்தை பிடித்திருந்தார். மார்னிங் கன்சல்ட் தளம் தேர்தல்கள், தேர்ந்தெடுக்கப்படும் தலைவர்கள், ஓட்டுப்பதிவு விஷயங்கள் குறித்த நிகழ்நேர தகவல்களை அளிக்கிறது. இந்ததளம் தினந் தோறும் 20,000-க்கும் மேற்பட்ட நேர்காணல்களை நடத்துகிறது என்பது குறிப்பிடத்தக்கது.