சென்னை டி நகர் பிரகாசம் சாலையில் பிரபல சினிமா தயாரிப்பு நிறுவனம் ஒன்று இருக்கிறது அந்த நிறுவனத்தின் பெயரில் சமீபத்தில் விளம்பரம் ஒன்று வெளியிடப்பட்டிருந்தது. அதில் சினிமாவில் நடிப்பதற்கு ஆர்வம் இருப்பவர்கள் விண்ணப்பம் செய்யலாம், வாய்ப்பு வழங்கப்படும் என்று தெரிவிக்கப்பட்டு இருந்தது.
இதனை நம்பி பல இளைஞர்கள் மற்றும் இளம் பெண்கள் உள்ளிட்டோர் விண்ணப்பம் செய்து இருந்தனர். அவர்களிடம் பல லட்சம் ரூபாய் மோசடியாக பறிக்கப்பட்டுள்ளது இந்த விளம்பரத்தை நம்பி துணை நடிகர்கள் நடிகைகள் உள்ளிட்ட வரும் அடிப்பதற்கு வாய்ப்பு கேட்டு விண்ணப்பம் செய்து பணத்தை இழந்ததாக சொல்லப்படுகிறது. இத்தகைய நிலையில்தான் பணத்தை கொடுத்து ஏமாற்றம் அடைந்தவர்கள் டி நகர் இருக்கின்ற தயாரிப்பு நிறுவனத்திற்கு நேரில் சென்று சினிமாவில் நடிக்க வாய்ப்பு கேட்டுள்ளனர்.
அப்போது தான் தங்களுடைய நிறுவனத்தின் பெயரை பயன்படுத்தி யாரோ பணமோசடி செய்திருக்கிறார்கள் என்பது அவர்களுக்கு தெரிய வந்துள்ளது. இது குறித்து தயாரிப்பு நிறுவனம் சார்பாக தேனாம்பேட்டை காவல் நிலையத்தில் புகார் வழங்கப்பட்டது. அதன்படி காவல்துறையினர் வழக்கு பதிவு செய்து விசாரணை நடத்தி வருகின்றனர்.
