விஜய் டிவியில் ஒளிபரப்பாகும் பிக் பாஸ் நிகழ்ச்சி மிகவும் பிரபலமானது. இந்த நிகழ்ச்சி இதுவரை ஐந்து சீசன் முடிவடைந்துள்ளது. இதை தொடர்ந்து தற்போது ஆறாவது சீசன் தொடங்கவுள்ளது. மேலும் இதற்கான போட்டியாளர்கள் தேர்வும் நடைபெற்று வருவதாக கூறப்படுகிறது. பிக்பாஸ் நிகழ்ச்சியின் முதல் சீசனில் ஆரவ் வென்றார் . இதனை தொடர்ந்து இரண்டாவது சீசனில் ரித்விகாவும், மூன்றாவது சீசனில் முகின் ராவும், நான்காவது சீசனில் ஆரியும், ஐந்தாவது சீஷினில் ராஜுவும் டைட்டிலை வின் செய்தனர்.
சில தினங்களுக்கு முன்பு பிக்பாஸ் நிகழ்ச்சியில் பொதுமக்களும் போட்டியாளராக கலந்துக் கொள்ள வாய்ப்பு வழங்கும் வகையில் அறிவிப்பு வெளியிடப்பட்டது. இந்த நிகழ்ச்சியின் ஐந்து சீசன்களையும் நடிகர் கமல்ஹாசன் தொகுத்து வழங்கினார். இதை தொடர்ந்து ஆறாவது சீசனையும் கமல்ஹாசன் தொகுத்து வழங்குகிறார். சில நாட்களுக்கு முன்பு பிக்பாஸ் நிகழ்ச்சி 6-வது சீனனின் புரோமோ அதிகாரப்பூர்வமாக வெளியிடப்பட்டது.
இந்நிலையில் பிக்பாஸ் நிகழ்ச்சி 6-வது சீனனில் கலந்துக் கொள்ளும் போட்டியாளர்கள் பற்றிய புதிய தகவல் வெளியாகியுள்ளது. இதில், தொகுப்பாளர் டிடி, பாடகி ராஜலட்சுமி, தொலைக்காட்சி நடிகைகள் அர்ச்சனா, ரோஷினி, ஸ்ரீநிதி, குக் வித் கோமாளி புகழ் தர்ஷா குப்தா, கதாநாயகிகள் ஷில்பா மஞ்சுநாத், மனிஷா யாதவ் போன்றவர்கள் கலந்து கொள்ள போவதாக கூறப்படுகிறது. இந்நிலையில் பிக்பாஸ் நிகழ்ச்சி போட்டியாளர்களின் அதிகாரப்பூர்வ அறிவிப்பு விரைவில் வெளியாகும் என எதிப்பார்க்கப்படுகிறது.
