வாரிசு திரைப்படத்தை தொடர்ந்து விஜய் மற்றும் இயக்குநர் லோகேஷ் கனகராஜ் கூட்டணியில் உருவாகும் 2ஆவது படமான ’தளபதி 67’ படத்தில் விஜய் டீக்கடைக்காரராக நடிப்பதாக தகவல் வெளியாகியுள்ளது. டீக்கடை ஓனராக பகவதி படத்தில் நடித்தது போன்று இந்தப் படத்திலும் நடிப்பார் என்று தெரிகிறது. கடந்த சில நாட்களுக்கு முன்பு தான் இந்தப் படத்தின் படப்பிடிப்பு பூஜையோடு தொடங்கி விறுவிறுப்பாக நடந்து வந்தது. இன்னும் 10 நாட்களுக்குள் தளபதி 67 குறித்த அப்டேட் வெளியாகும் என்று இயக்குநர் லோகேஷ் கனகராஜ் கூறியிருந்தார். இந்தப் படத்தில் விஜய்யுடன் இணைந்து த்ரிஷா, மன்சூர் அலிகான், கௌதம் மேனன் ஆகியோர் பலர் நடிப்பதாக கூறப்படுகிறது.
இருப்பினும், இந்தப் படத்தில் யார் யார் நடிக்கிறார்கள் என்பது குறித்த அதிகாரப்பூர்வ அறிவிப்பு இன்னும் வெளியாகவில்லை. 7 ஸ்கிரீன் ஸ்டூடியோஸ் நிறுவனம் தயாரிக்கும் இந்தப் படத்திற்கு மனோஜ் பரமஹம்சா ஒளிப்பதிவு செய்வதாக சொல்லப்படுகிறது. தளபதி 67 படம் வரும் அக்டோபர் 19ஆம் தேதி திரைக்கு வரும் என்று தகவல் வெளியாகியுள்ளது.
