தமிழ் சினிமா திரைப்பட உலகில் பிரபலமான நகைச்சுவை நடிகராக வலம் வந்தவர்களில் சிவ நாராயண மூர்த்தி என்பவரும் ஒருவர். இவரது எதார்த்த நடிப்பில் தனக்கென தனியிடத்தை பிடுத்து காமெடி நடிகராகவும் வலம் வந்தவர். இவர் தஞ்சை மாவட்ட பகுதியில் உள்ள பட்டுக்கோட்டையை சேர்ந்தவர்.
விசுவின் பூந்தோட்டம் என்ற திரைப்படத்தின் மூலம் தமிழ் சினிமாவில் முதன்முதலாக அறிமுகமானார். இதுவரை 218-க்கும் மேற்பட்ட பல திரைப்படங்களில் விவேக் மற்றும் வடிவேலு போன்ற பல காமெடி நடிகர்களுடன் சேர்ந்து காமெடியில் தடம் பதித்தவர்.
இவருடைய வயது தற்போது 67. சில காலங்களாக சிவ நாராயணமூர்த்தி தனது சொந்த ஊரிலே வசித்து வந்துள்ளார். இந்த நிலையில் நேற்று இரவில் 8.30 மணி அளவில் உடல் நலக்குறைவின் காரணமாக பரிதாபமாக உயிரிழந்துள்ளார்.
இதனை தொடர்ந்து இறுதிச் சடங்கு பட்டுக்கோட்டையில் வைத்து இன்று மதியம் 2:30 மணி அளவில் நடைபெற இருக்கின்றது. அத்துடன் இவரின் மறைவுக்கு திரைபட பிரபலங்கள் பலரும் மற்றும் ரசிகர்களும் ஆழ்ந்த இரங்கலை தெரிவித்து வருகின்றனர்.
