திண்டுக்கல் மாவட்டம், ஒட்டன்சத்திரத்தில் புதிதாக தொடங்கப்பட்டுள்ள அரசு தொழிற்பயிற்சி நிலையத்தில் நேரடி மாணவர் மற்றும் மாணவிகள் சேர்க்கை நடைபெற்று வருகிறது.
மாணவ, மாணவிகளிடமிருந்து சேர்க்கைக்கான விண்ணப்பங்கள் www.skilltraining.tn.gov.in என்ற இணையதளம் வாயிலாக வரவேறக்கப்படுகிறது. இணையதளம் வாயிலாக விண்ணப்பிக்க மாணவர்களுக்கு உதவிடும் வகையில் திண்டுக்கல் அரசு தொழிற்பயிற்சி நிலையத்தில் உதவி மையம் அமைக்கப்பட்டுள்ளது.
இதற்கான கல்வித்தகுதி பத்தாம் வகுப்பு தேர்ச்சி பெற்றிருக்க வேண்டும். விண்ணப்பக் கட்டண தொகையான ரூ.50 விண்ணப்பதாரர் Debit card, Credit Card,G Pay, Net Banking வாயிலாக செலுத்தலாம். மற்றும் கல்விக் கட்டணம் ரூ.195 செலுத்த வேண்டும். இணையதளம் வாயிலாக விண்ணப்பம் பதிவு 1.12.2022 முதல் நடைபெற்று வருகிறது. இணையதளம் வாயிலாக விண்ணப்பம் பதிவு செய்ய கடை நாள் 30.12.2022 ஆகும்.
இணையதள நேரடி சேர்க்கைக்கான தரவரிசை பட்டியல் குறித்த விவரங்கள் கடைசி தேதிக்கு பிறகு இதே இணையதளத்தில் வெளியிடப்படும்.
