உத்தரபிரதேச மாநிலம் சஹரன்பூரில் 15 வயது சிறுமியை டியூஷன் ஆசிரியர் பாலியல் பலாத்காரம் செய்த சம்பவம் அதிர்ச்சியை ஏற்படுத்தியுள்ளது.
இந்த சம்பவம் குறித்து மாவட்ட கூடுதல் காவல் கண்காணிப்பாளர் சாகர் ஜெயின் கூறியதாவது, சிறுமி வழக்கம் போல வியாழனன்று டியூஷனுக்குச் சென்றுள்ளார். ஆனால் ஆசிரியர் சிறுமியை உத்தரகாண்டின் ரூர்க்கிக்கு அழைத்துச் சென்று, அங்கு வைத்து பாலியல் பலாத்காரம் செய்துள்ளார்.
மேலும், நடந்த சம்பவத்தை யாரிடமாவது தெரிவித்தால், கடும் விளைவுகளை சந்திக்க நேரிடும் என சிறுமியை ஆசிரியர் மிரட்டியுள்ளார். சம்பவம் தொடர்பாக சிறுமியிடம் பெற்றோர்கள் விசாரித்த போது இது வெளிச்சத்திற்கு வந்தது. இதை எடுத்து காவல் நிலையத்தில் பெற்றோர்கள் புகார் அளித்ததாக போலீசார் தெரிவித்தனர். குற்றவாளியை போலீசார் தேடி வருகின்றனர்.
