குழந்தைகளுக்கு பிளாஸ்டிக் டிபன் பாக்ஸ் கொடுப்பது எவ்வளவு ஆபத்தானதுன்னு தெரியுமா?
பொதுவாக குழந்தைகளை பள்ளிக்கு அனுப்பும் போது, பெற்றோர்கள் எல்லாப் பொருட்களையும் வண்ணமயமாகவும், வசதியாகவும் தேர்வு செய்கின்றனர்.. குழந்தைகளுக்கான டிபன் பாக்ஸைத் தேர்ந்தெடுப்பது அத்தகைய ஒரு முடிவு. பெரும்பாலான பெற்றோர்கள் பிளாஸ்டிக் டிபன் பாஸ்கை விரும்புகிறார்கள்.. ஏனெனில் அவை இலகுவானவை, மலிவானவை மற்றும் கவர்ச்சிகரமான வடிவமைப்புகளைக் கொண்டுள்ளன. ஆனால் நீங்கள் தினமும் உங்கள் குழந்தைக்குக் கொடுக்கும் டிபன் அவர்களின் ஆரோக்கியத்திற்கு தீங்கு விளைவிக்கும் என்பதை எப்போதாவது யோசித்திருக்கிறீர்களா?
பிளாஸ்டிக் டிபன் பாக்ஸில் இருந்து வெளியாகும் ரசாயனங்கள், குறிப்பாக சூடான உணவை அவற்றில் வைக்கும்போது, குழந்தைகளின் ஆரோக்கியத்தை கடுமையாக பாதிக்கும் என்று மருத்துவ நிபுணர்கள் எச்சரிக்கின்றனர்.. இது ஹார்மோன் சமநிலை, செரிமான அமைப்பு மற்றும் குழந்தைகளின் எதிர்கால நோய்கள் என அனைத்தையும் பாதிக்கக்கூடும்..
பிபிஏ ரசாயனம்
சில பிளாஸ்டிக் டிபன் பாக்ஸில் பிபிஏ போன்ற ரசாயனங்கள் உள்ளன. சூடான உணவை இந்த டிபன் பாக்ஸில் வைக்கும் போது இந்த ரசாயனங்கள் வெளிப்படலாம்.. இவை ஹார்மோன் சமநிலையின்மை, குழந்தைகளின் வளர்ச்சியில் இடையூறு மற்றும் நடத்தையில் மாற்றங்களை ஏற்படுத்தும்.
புற்றுநோய் ஆபத்து
பிபிஏ மற்றும் பிற இரசாயனங்களுக்கு நீண்டகாலமாக உணவில் கலப்பதால் புற்றுநோய் போன்ற நோய்களின் அபாயத்தை அதிகரிக்கும் என்பதை சில ஆய்வுகள் காட்டுகின்றன. குறிப்பாக குழந்தை ஒவ்வொரு நாளும் பிளாஸ்டிக் டிஃபினில் உணவை சாப்பிட்டால் இந்த ஆபத்து அதிகம் என்று நிபுணர்கள் எச்சரிக்கின்றனர்..
செரிமான அமைப்பில் ஏற்படும் விளைவுகள்
சூடான உணவை பிளாஸ்டிக் டிஃபின் பாக்ஸில் வைக்கும்போது, அதிலிருந்து வெளியாகும் நச்சு ரசாயனங்கள் குழந்தையின் செரிமான அமைப்பை படிப்படியாக பலவீனப்படுத்தி, வாயு, அஜீரணம் மற்றும் வயிற்று வலியை ஏற்படுத்தும்.
நோய் எதிர்ப்பு சக்தியில் ஏற்படும் விளைவு
பிளாஸ்டிக்கிலிருந்து வெளியாகும் நச்சுகள் குழந்தைகளின் நோய் எதிர்ப்பு சக்தியைப் பாதித்து, அவர்கள் அடிக்கடி நோய்வாய்ப்பட வழிவகுக்கும்.
பாதுகாப்பான மாற்று வழிகள் என்ன?
எவர்சில்வர் அல்லது கண்ணாடி டிபன் பாக்ஸை தேர்வு செய்வது நல்லது, இவை பாதுகாப்பானவை மட்டுமல்ல, நீடித்து உழைக்கக்கூடியவை.
நீங்கள் பிளாஸ்டிக்கைப் பயன்படுத்தினால், பிபிஏ இல்லாத மற்றும் உணவு தர பிளாஸ்டிக்கை மட்டுமே பயன்படுத்துங்கள்.
சூடான உணவை பிளாஸ்டிக் டிஃபினில் வைப்பதை தவிர்க்கவும்.
உங்கள் குழந்தையின் உடல்நலம் குறித்து கொஞ்சம் எச்சரிக்கையாக இருப்பதும், சரியான டிபன் பாக்ஸை தேர்ந்தெடுப்பதும் மிகவும் முக்கியம். வண்ணமயமான டிபன் பாக்ஸ்களின் பளபளப்புக்குப் பின்னால் மறைந்திருக்கும் ஆபத்துகளைப் புறக்கணிக்காதீர்கள். ஒரு சிறிய முன்னெச்சரிக்கை உங்கள் குழந்தையை பல பெரிய நோய்களிலிருந்து காப்பாற்றும்.
