நாடு முழுவதும் கொலை, கொள்ளை, பாலியல் வன்கொடுமை போன்ற குற்றச்சம்பவங்கள் நாளுக்கு நாள் அதிகரித்து வருகின்றன.. இந்நிலையில் தேசிய குற்ற ஆவணக் காப்பகம் (NCRB) படி, 2021ல் பதிவான கொலை வழக்குகள் பற்றிய விவரங்களை வெளியிட்டுள்ளது.. அதன்படி இந்தியாவில் மொத்தம் 29,272 கொலை வழக்குகள் பதிவு செய்யப்பட்டுள்ளன. இந்த எண்ணிக்கை 2020ல் 29,193 ஆகவும், அதற்கு 2019-ம் ஆண்டு 28,915 ஆகவும் இருந்தது. மொத்த பாதிக்கப்பட்டவர்களின் எண்ணிக்கை 30,132 ஆகவும் இருந்தது..
ஆனால் கடந்த ஆண்டை விட சற்று அதிகமாக 29,272 கொலை வழக்குகள் பதிவாகி உள்ளன.. அதாவது சராசரியாக ஒரு நாளில் நாளும் 82 கொலைகள் நடந்துள்ளன.. உத்தரப் பிரதேசத்தில் அதிகபட்சமாக 3,717 கொலைகளும், பீகாரில் 2,799 மற்றும் மகாராஷ்டிரா 2,330 கொலைகளும் பதிவு செய்யப்பட்டுள்ளன. உத்தரப்பிரதேசம், பீகார், மகாராஷ்டிரா ஆகிய மாநிலங்கள் தொடர்ந்து மூன்றாவது ஆண்டாக பதிவு செய்யப்பட்ட கொலை வழக்குகளில் முதலிடத்தில் உள்ளன.
2019 ஆம் ஆண்டு உ.பி.யில் 3,806 கொலை வழக்குகள்; பீகாரில் 3,138 வழக்குகள்; மற்றும் மகாராஷ்டிராவில் 2,142 வழக்குகளும் பதிவாகி இருந்தது… இந்தியாவின் குற்றத் தலைநகராக டெல்லி தொடர்ந்து மூன்றாவது ஆண்டாக தனது இடத்தைத் தக்க வைத்துக் கொண்டுள்ளது. டெல்லியில் 2021-ல் 451 கொலை வழக்குகள் பதிவாகி உள்ளன.. 2021 ஆம் ஆண்டில் மெட்ரோ நகரங்களில் மொத்தம் 1,955 கொலை வழக்குகள் பதிவு செய்யப்பட்டுள்ளன..
