முன்னாள் அதிமுக அமைச்சர் திண்டுக்கல் சீனிவாசனுக்கு திடீரென நெஞ்சுவலி ஏற்பட்டுள்ளதால் பரபரப்பு ஏற்பட்டுள்ளது.
அதிமுக அமைச்சரவையில் உறுப்பினராக இருந்தவர் திண்டுக்கல் சீனிவாசன். தற்போது அதிமுக பொருளாளராகவும் உள்ளார். சென்னையில் அவர் வீட்டில் இருந்த போது திடீரென அவருக்கு நெஞ்சுவலி ஏற்பட்டது. இதையடுத்து கிரீம்ஸ் சாலையில் உள்ள அப்போலோ மருத்துவமனையில் அனுமதிக்கப்பட்டார். இதயம் தொடர்பான சிறப்பு மருத்துவர்கள் முதற்கட்ட பரிசோதனை மற்கொண்டு வருகின்றனர். எனவே தொண்டர்கள் மருத்துவமனை அருகே கூடியுள்ளனர். இதனால் பரபரப்பு ஏற்பட்டுள்ளது.
கடந்த 2020ம் ஆண்டு வனத்துறை அமைச்சராக இருந்தவர் திண்டுக்கல் சீனிவாசன். அப்போது ஒரு முறை இதே போல நெஞ்சுவலி என மருத்துவமனையில் அனுமதிக்கப்பட்டார். சோதித்து பார்த்த மருத்துவர்கள் அவருக்கு ஆஞ்சியோ செய்ய வேண்டும் என தெரிவித்திருந்தனர். பினனர் ஆஞ்சியோ சிகிச்சை மேற்கொள்ளப்பட்டது. இதையடுத்து அவர் குணம் பெற்று வீடு திரும்பினார்.
நேற்று நள்ளிரவு முதலே நெஞ்சு வலி இருந்து வந்ததாக கூறப்படுகின்றது. இதன் காரணமாக அவர் மருத்துவமனையில் அனுமதிக்கப்பட்டார். முதல் கட்ட சோதனையில் இருதயத்தில் அடைப்பு இருப்பதாகவும் அவருக்கு மீண்டும் ஆஞ்சியோ மேற்கொள்ள வேண்டும் எனவும் தெரிவித்துள்ளதாக தகவல்கள் தெரிவிக்கின்றன. எனினும் அதிகாரப்பூர்வ தகவல் இன்னும் கிடைக்கப்படவில்லை.
