திருவண்ணாமலை மாவட்டம் ஆரணி அருகே உள்ள குன்னத்தூர் ஊராட்சிக்குட்பட்ட அகஸ்தியபுரம் கிராமத்தைச் சேர்ந்த சிவகுமார் என்பவர் கூலி தொழில் செய்து வருகிறார். இவருடைய மகள் வைஷ்ணவி (8) அதே கிராமத்தில் உள்ள அரசு பள்ளியில் 2ம் வகுப்பு படித்து வருகிறார் இந்த நிலையில், சிவகுமாரும், அவருடைய மனைவியும் வேலைக்கு சென்றுள்ளனர்.
தற்சமயம் விடுமுறை வழங்கப்பட்டிருப்பதால் வைஷ்ணவி அவரது வீட்டில் விளையாடிக் கொண்டிருந்தார்.
அப்போது எதிர்பாராத விதமாக வைஷ்ணவியின் உடலில் தீ பற்றியது. சிறுமியின் அலறல் சத்தம் கேட்டு அக்கம், பக்கத்தினர் வந்து சிறுமியை மீட்டு ஆரணி அரசு மருத்துவமனையில் சிகிச்சைக்காக அனுமதித்தனர்.
அதன் பிறகு மேல் சிகிச்சைக்காக அடுக்கம்பாறை அரசு மருத்துவமனைக்கு வைஷ்ணவி கொண்டு செல்லப்பட்டார். இந்த நிலையில் இன்று காலை சிறுமி வைஷ்ணவி சிகிச்சை பலனின்றி பரிதாபமாக உயிரிழந்தார். இந்த சம்பவம் தொடர்பாக ஆரணி தாலுகா காவல்துறையினர் வழக்கு பதிவு செய்து விசாரணை மேற்கொண்டு வருகின்றனர்.
