ரஞ்சி கோப்பை வரலாற்றில் முதல் ஓவரில் ஹாட்ரிக் எடுத்த முதல் பந்துவீச்சாளர் என்ற பெருமையை ஜெயதேவ் உனத்கட் பெற்றுள்ளார்.
ராஜ்கோட்டில் நடைபெறும் ரஞ்சிக் கோப்பை ஆட்டத்தில் டெல்லி-சௌராஷ்டிரம் அணிகள் மோதுகின்றன. இதில், முதலில் டாஸ் வென்ற டெல்லி அணி பேட்டிங்கை தேர்வு செய்தது. இந்த போட்டி தொடங்கிய முதல் ஓவரிலேயே 3 விக்கெட்டுகளை விழ்த்தி அனைவரையும் ஆச்சர்யப்படுத்தினார் சௌராஷ்டிரா அணி கேப்டன் உனத்கட். 3-வது பந்தில் துருவ் ஷோரேவை போல்ட் செய்தார். அடுத்த இரு பந்துகளில் வைபவ், யாஷ்துல் ஆகியோரின் விக்கெட்டுகளை வீழ்த்தினார். இதன்மூலம் ரஞ்சி கோப்பை வரலாற்றில் முதல் ஓவரில் ஹாட்டிரிக் எடுத்த முதல் பந்துவீச்சாளர் என்ற சாதனையை உனத்கட் படைத்துள்ளார்.
தனது 2-வது ஓவரில் ஆயுஷ் பதோனி, ஜான்டி சித்து ஆகியோரின் விக்கெட்டுகளையும் எடுத்து 2 ஓவர்களில் 5 விக்கெட்டுகளை வீழ்த்தினார். டெல்லி அணியின் முதல் 5 பேட்ஸ்மேன்களில் 4 பேர் அவுட்ஆனார்கள். இதனால், டெல்லி அணி 18 ஓவர்களில் 8 விக்கெட் இழப்புக்கு 62 ரன்களை மட்டுமே எடுத்து தடுமாறி வருகிறது. உனத்கட் இதுவரை 6 விக்கெட்டுகளை வீழ்த்தியுள்ளார்.
31 வயதாகும் உனத்கட் 2010ஆம் ஆண்டு இந்திய அணிக்காக டெஸ்ட் போட்டிகளில் அறிமுகம் செய்யப்பட்டார். பின்னர் பெரிதளவில் வாய்ப்பு இல்லாமல் இருந்த நிலையில், 12 ஆண்டுகளுக்கு பின்னர் 2022ஆம் ஆண்டு இறுதியில் நடைபெற்ற 2-வது டெஸ்ட் போட்டியில் வங்கதேசத்திற்கு எதிரான இந்திய அணியில் மீண்டும் அவர் இடம் பிடித்தார். அதில், சிறப்பான பங்களிப்பை கொடுத்த உனத்கட், தற்போது ரஞ்சி கோப்பையில் சௌராஷ்டிரா அணிக்காக விளையாடி வருகிறார்.
