அரசு மற்றும் தனியார் நிறுவன ஊழியர்களின் வைப்பு நிதி (PF) கணக்குகளை நிர்வகிக்கும் பொறுப்பை ஈபிஎஃப்ஒ (EPFO) எனும் மத்திய அரசு அமைப்பு ஏற்றுள்ளது. ஒவ்வொரு ஊழியருக்கும் தனித்தனியாக UAN (Universal Account Number) வழங்கப்படுவது வழக்கம். இந்த UAN எண்ணின் கீழ் தான் PF பணம் ஒவ்வொரு மாதமும் வரவு வைக்கப்படுகிறது.
பொதுவாக, ஊழியர்கள் ஓய்வு வாழ்க்கைக்காக PF தொகையை சேமிக்கின்றனர். ஆனால் திருமணம், மருத்துவம், கல்வி உள்ளிட்ட அவசர தேவைகளுக்காக, பிஎஃப் தொகையில் இருந்து ஒரு பகுதியை எடுக்கும் வசதி உள்ளது. இந்நிலையில், PF கணக்கில் பணம் முறையாக வருவதா? என்ன தொகை இருப்பதில் உள்ளது? என்ற கேள்விகளுக்கு பதில் தேடி, போர்ட்டல் லாக்கின் செய்து பாஸ்வேர்டு உள்ளிட்ட சிக்கல்களில் சிக்க வேண்டிய நிலை இப்போது இல்லை. EPFO தற்போது மிஸ்டு கால் மற்றும் எஸ்எம்எஸ் மூலம், இணையம் இல்லாமலே PF கணக்கு விவரங்களை தெரிந்து கொள்ளும் வசதியை கொண்டுவந்துள்ளது.
இந்த சேவையை பயன்படுத்துவதற்கான முந்தைய நிபந்தனைகள்:
* உங்கள் UAN எண்ணுடன் மொபைல் எண் பதிவு செய்யப்பட்டிருக்க வேண்டும்
* 8 KYC அப்டேட் செய்யப்பட்டிருக்க வேண்டும் (ஆதார் / பான் / வங்கி கணக்கு ஏதேனும் ஒன்றுடன்)
மிஸ்டு கால் மூலம் PF கணக்கு நிலை அறிய:
* உங்கள் பதிவுசெய்யப்பட்ட மொபைல் எண்ணில் இருந்து 9966044425 என்ற எண்ணுக்கு மிஸ்டு கால் செய்யவும்
* சில நிமிடங்களில், PF தொகை மற்றும் கணக்கு நிலை பற்றிய தகவல் எஸ்எம்எஸ் மூலமாக வரும்
* இந்த சேவைக்கு கட்டணம் ஏதும் இல்லை.
எஸ்எம்எஸ் மூலம் PF விவரம் தெரிந்து கொள்ள: உங்களது UAN கணக்குடன் பதிவு செய்யப்பட்ட மொபைல் எண்ணில் இருந்து EPFOHO UAN என 7738299899 எஸ்எம்எஸ் அனுப்பவும். உடனே, சிறிது நேரத்தில் பிஎப் கணக்கு விவரம் மற்றும் கணக்கில் உள்ள வைப்புத்தொகை விவரம் மெசேஜ் மூலம் வரும்.
பொதுவாக இதற்கான பதில்கள் ஆங்கிலத்தில் மட்டும் தான் வரும் அதேவேளை, தமிழ், தெலுங்கு உள்ளிட்ட பல்வேறு உள்ளூர் மொழிகளில் கூட இந்த பதில்களை பெறலாம். அதற்கு குறிப்பிட்ட மொழியின் முதல் மூன்று வார்த்தைகளை சேர்த்துக்கொள்ள வேண்டும். உதாரணமாக தமிழ்மொழியில் பதில் பெற EPFOHO UAN TAM என மேற்கண்ட எண்ணுக்கு எஸ்எம்எஸ் அனுப்ப வேண்டும்.
ஆங்கிலம், இந்தி (HIN), பஞ்சாபி (PUN), குஜராத்தி (GUJ), மராத்தி (MAR), கன்னடம் (KAN), தெலுங்கு (TEL), தமிழ் (TAM), மலையாளம் (MAL) மற்றும் பெங்காலி (BEN). இந்த மிஸ்டு கால், எஸ்எம்எஸ் இரண்டு முறைக்கும் கட்டணம் ஏதும் இல்லை. இணைய சேவையும் தேவையில்லை.
Read more: பாமக தலைவர்களுக்கு அடுத்தடுத்து நெஞ்சுவலி.. கௌரவ தலைவர் ஜி.கே மணி மருத்துவமனையில் அனுமதி..
