குழந்தைகளின் பாதுகாப்பை உறுதி செய்வதற்காக 2,800 நாய்களைக் கொன்றதாக மதச்சார்பற்ற ஜனதா தள கட்சி தலைவர் ஒருவர் ஒப்புக்கொண்டுள்ளார். கர்நாடக எம்.எல்.சி எஸ்.எல். போஜேகவுடா இன்று சட்டமன்றத்தில் பேசிய போது , “நாய்களுக்கு எதிராக நடவடிக்கை எடுக்க உச்ச நீதிமன்றத்தை நாடும் முதல் மாநிலமாக கர்நாடகா இருக்கட்டும்.. உச்ச நீதிமன்றத்தில் மனு தாக்கல் செய்யப்பட வேண்டும்… ” என்று கோரினார்.
மேலும் “விலங்குகள் மீது எங்களுக்கும் அக்கறை உண்டு, ஆனால் விலங்கு பிரியர்கள், நீங்கள் இளம் குழந்தைகளின் துன்பத்தைப் பார்க்கிறீர்கள். இதைப் பற்றி நீங்கள் தினமும் செய்தித்தாள்களிலும் தொலைக்காட்சிகளிலும் படிக்கிறீர்கள். இது ஒவ்வொரு நாளும் நடக்கிறது,” என்று அவர் கூறினார்.
நாய்கள் கொல்லப்படதை நினைவுகூர்ந்த அவர் “நாங்கள் இறைச்சியுடன் விஷம் கலந்து சுமார் 2800 நாய்களுக்கு உணவளித்து அவற்றை கொன்றோம்.. மேலும் அந்த நாய்களை தென்னை மரங்களுக்கு அடியில் புதைத்தோம். எங்கள் குழந்தைகளின் பாதுகாப்பிற்காக தேவைப்பட்டால் சிறைக்குச் செல்வோம்” என்று அவர் கூறினார்.
கடந்த 10 ஆண்டுகளுக்கும் பல தென் மாநிலங்களில் இருந்து பெரிய அளவிலான நாய்கள் கொல்லப்படுவது அவ்வப்போது பதிவாகியுள்ளது.
பெங்களூருவில் 2 கல்லூரி மாணவர்களை நாய் கடித்த நிலையில், இந்த விவகாரம் கர்நாடக சட்டமன்றத்தில் எதிரொலித்தது. பெங்களூரு அம்பேத்கர் பொருளாதாரப் பல்கலைக்கழகத்தில் முதுகலைப் பட்டம் பெற்ற இருவரும் மருத்துவமனையில் சிகிச்சை அளித்து வருகின்றனர்..
கடந்த மாதம், கர்நாடகாவின் கோடிகேஹள்ளியில் உள்ள அவரது வீட்டிற்கு வெளியே 70 வயது முதியவர் ஒருவர் தெரு நாய்களின் கூட்டத்தால் கடித்து கொல்லப்பட்டதாகக் கூறப்படுகிறது. முன்னதாக, பழைய ஹப்பள்ளியின் சிம்லா நகரில் மூன்று வயது சிறுமியை தெரு நாய்கள் குழு ஒன்று தாக்கியது. தாக்குதலின் சிசிடிவி காட்சிகளில் நாய்கள் அவரது தோள்பட்டை, முதுகு, கால்கள் மற்றும் கைகளை கடித்து தரையில் இழுத்துச் செல்வதைக் காட்டியது. அவர் பலத்த காயங்களுடன் KIMS மருத்துவமனைக்கு கொண்டு செல்லப்பட்டார்.
கர்நாடக லோக் ஆயுக்தா நீதிபதி BS பாட்டீல், தெரு நாய்களை கட்டுப்படுத்தத் தவறியதற்காக பெங்களூருவின் குடிமை அமைப்பான ப்ருஹத் பெங்களூரு மகாநகர பாலிகேவை கண்டித்துள்ளார். லோக்ஆயுக்தாவின் முன்கூட்டிய அறிவுறுத்தல்கள் இருந்தபோதிலும், ஆக்ரோஷமான நாய்களுக்கான கண்காணிப்பு இல்லங்களை நிறுவ BBMP தவறியது முக்கிய குறைபாடுகளில் ஒன்றாகும்.
டெல்லி-என்சிஆர் தெருக்களில் இருந்து தெருக்களைச் சுற்றி வளைத்து அவற்றை அகற்ற வேண்டும் என்று உச்ச நீதிமன்றம் சமீபத்தில் உத்தரவிட்டது.. எனினும் உச்சநீதிமன்றத்தின் இந்த உத்தரவுக்கு விலங்கு ஆர்வலர்கள் எதிர்ப்பு தெரிவித்து வருகின்றனர் என்பது குறிப்பிடத்தக்கது..
