சேலம் – விருத்தாசலம் இடையே இரு மார்க்கத்திலும் பயணிகள் ரயில் இயக்கப்பட்டு வருகிறது. இந்நிலையில், நாளை மறுநாள் (சனிக்கிழமை) முதல் இந்த ரயிலின் வேகம் அதிகரிக்கப்பட்டுள்ளதாக தெரிவிக்கப்பட்டுள்ளது. இதனால், பயண நேரம் 15 நிமிடமாக குறையும். அதன்படி, விருத்தாசலம் – சேலம் பயணிகள் ரயில் (06121) விருத்தாசலத்தில் இருந்து காலை 6 மணிக்கு புறப்பட்டு காலை 9.05 மணிக்கு சேலம் வந்தடையும். சேலம் – விருத்தாசலம் பயணிகள் ரயில் (06122) சேலத்தில் இருந்து மாலை 6 மணிக்கு புறப்பட்டு இரவு 9 மணிக்கு விருத்தாசலம் சென்றடையும்.
இதேபோல் சேலம் – விருத்தாசலம் பயணிகள் ரயில் (06896) சேலத்தில் இருந்து காலை 10.10 மணிக்கு புறப்பட்டு மதியம் 1.10 மணிக்கு விருத்தாசலம் சென்றடையும். விருத்தாசலம் – சேலம் பயணிகள் ரயில் (06895) விருத்தாசலத்தில் இருந்து மதியம் 2.05 மணிக்கு புறப்பட்டு மாலை 5.05 மணிக்கு சேலம் வந்தடையும் என்று தெரிவிக்கப்பட்டுள்ளது.
