ரயில்வே துறையின் கீழ், நாடு முழுவதும் உள்ள அனைத்து ரயில்வே மண்டலங்களிலும் தொழில்நுட்ப வல்லுநர் (Technician) பணியிடங்களை நிரப்புவதற்கான அறிவிப்பை ரயில்வே ஆட்சேர்ப்பு வாரியம் (RRB) வெளியிடவுள்ளது. இது தொடர்பான முழுமையான அறிவிப்பு ஜூன் 30 அன்று வெளியிடப்படும். தகுதியுள்ள விண்ணப்பதாரர்கள் ஜூன் 30 முதல் இணையம் வாயிலாக விண்ணப்பிக்கலாம்.
இந்த அறிவிப்பின் மூலம் மொத்தம் 6,565 தொழில்நுட்ப வல்லுநர் பணியிடங்கள் நிரப்பப்படவுள்ளன. இதில் 323 ‘டெக்னீஷியன் கிரேடு 1 (சிக்னல்)’ பணியிடங்களும், 6,565 ‘கிரேடு 3’ பணியிடங்களும் அடங்கும். 10-ஆம் வகுப்பு தேர்ச்சியுடன், தொடர்புடைய துறையில் ITI, B.Sc அல்லது பட்டப்படிப்பு/டிப்ளமோ முடித்த விண்ணப்பதாரர்கள் ஜூலை 29, 2026 வரை இணையம் வழியாக விண்ணப்பிக்கலாம்.
மேலும், விண்ணப்பதாரர்களின் வயது வரம்பு ‘டெக்னீஷியன் கிரேடு 1’ பணியிடங்களுக்கு 18 முதல் 33 வயது வரையிலும், ‘டெக்னீஷியன் கிரேடு 3’ பணியிடங்களுக்கு 18 முதல் 30 வயது வரையிலும் இருக்க வேண்டும். இப்பணிகளுக்கான இறுதித் தேர்வு, எழுத்துத் தேர்வு மற்றும் மருத்துவப் பரிசோதனை ஆகியவற்றின் அடிப்படையில் அமையும்.
தேர்ந்தெடுக்கப்படும் விண்ணப்பதாரர்களுக்கான அடிப்படை ஊதியம், ‘டெக்னீஷியன் கிரேடு 1 (சிக்னல்)’ பணியிடங்களுக்கு மாதம் ரூ. 29,200-லிருந்தும், ‘டெக்னீஷியன் கிரேடு 3’ பணியிடங்களுக்கு ரூ. 19,900-லிருந்தும் தொடங்கும். இப்பணியிடங்கள் அனைத்தும் அகமதாபாத், அஜ்மீர், பெங்களூரு, போபால், புவனேஸ்வர், பிலாஸ்பூர், சண்டிகர், சென்னை, குவஹாத்தி, ஜம்மு மற்றும் ஸ்ரீநகர், கொல்கத்தா, மால்டா, மும்பை, முசாபர்பூர், பாட்னா, பிரயாக்ராஜ், ராஞ்சி, செகந்திராபாத், சிலிகுரி, திருவனந்தபுரம் மற்றும் கோரக்பூர் ஆகிய மண்டலங்களில் நிரப்பப்படும்.
இருப்பினும், மண்டலம் வாரியான காலிப்பணியிட விவரங்கள், கல்வித் தகுதிகள், எழுத்துத் தேர்வு, பாடத்திட்டம், தேர்வு செயல்முறை, விண்ணப்பக் கட்டணம் போன்ற முழுமையான விவரங்களை விரைவில் வெளியாகவுள்ள அறிவிப்பில் காணலாம்.
Read More : பெண்களுக்கான அருமையான திட்டம்..! மாதந்தோறும் ரூ. 7,000 கொடுக்கும் மத்திய அரசு..! விண்ணப்பித்தாலே போதும்..!
