நேற்று இரவு முதல்வர் மு.க. ஸ்டாலின் போரூர் ராமச்சந்திரா மருத்துவமனையில் முதுகு வலியால் மருத்துவ பரிசோதனை மேற்கொண்டார். இது குறித்து மருத்துவமனை தரப்பில் முதுகுவலிக்கான வழக்கமான பரிசோதனையை தான் முதல்வர் ஸ்டாலின் மேற்கொண்டார் என்று கூறப்பட்டது.
அவர் மருத்துவமனைக்கு வந்த காரணத்தால் அதிகப்படியான போலீசார் பாதுகாப்பு பணியில் ஈடுபட்டனர். இதற்கிடையில் நாளை பசும்பொன் முத்துராமலிங்க தேவரின் குருபூஜை விழாவில் ஸ்டாலின் கலந்து கொள்வதற்காக ராமநாதபுரம் மாவட்டத்தில் உள்ள பசும்பொன் கிராமத்திற்கு செல்ல இருந்தார்.
அவரது உடல்நிலை பாதிப்பு காரணமாக அவர் குருபூஜைக்கு செல்வாரா என்ற சந்தேகம் ஏற்பட்டது. இத்தகைய சூழலில், அரசு வெளியிட்டுள்ள செய்தி குறிப்பில், ஸ்டாலின் நாளை பசும்பொன் கிராமத்தில் நடக்கும் குருபூஜை விழாவில் கலந்து கொள்ள மாட்டார் என்று தெரிவிக்கப்பட்டுள்ளது.
அவருக்கு பதிலாக அமைச்சர்கள் கே.என்.நேரு, துரைமுருகன் மற்றும் இ.பெரிய சாமி உள்ளிட்டவர் கலந்து கொண்டு குருபூஜை விழாவில் மரியாதை செலுத்துவார்கள் என்று தெரிவிக்கப்பட்டுள்ளது.
