மலைப்பகுதிகளில் ஒரு சூடான மேகி (Maggi) சாப்பிடுவது தனி சுகம் தான்.. உண்மையில், இந்தியாவின் மிகவும் பிரபலமான இன்ஸ்டன்ட் நூடுல்ஸ் பிராண்டான மேகி, மலைப் பிரதேசங்களில் (சிறிய சாலையோர கடைகள்) கிட்டத்தட்ட இணைந்த ஒன்றாகவே மாறிவிட்டது. சுற்றுலாப் பயணிகளுக்கு மேகியை விற்பனை செய்யாத கடையை காண்பது அரிது. ஆனால் மலைப்பகுதிகளில் மேகி விற்றால் உண்மையில் எவ்வளவு சம்பாதிக்க முடியும்? இதை சோதித்து பார்த்தார் ஒரு கண்டெண்ட் கிரியேட்டர்.
மலைப்பகுதிகளில் மேகி
நீண்ட பயணம் அல்லது சோர்வூட்டும் மலை ஏற்றத்திற்கு பிறகு, ஒரு சிறிய சாலையோர கடையில் நின்று ஒரு தட்டு மேகி சாப்பிடுவது மனதுக்கு நிறைவாக இருக்கும். இதன் பிரபலத்துக்கு பல காரணங்கள் உள்ளன.. மேகி சமைக்க எளிது, அதிக உபகரணங்கள் தேவையில்லை, மேலும் குளிரான காலநிலையில் அது ஒரு ஆறுதலான உணவாக இருக்கிறது. ஆனால் மலைப்பகுதிகளில் மேகி விற்பது லாபகரமான தொழிலாக இருக்குமா? இதை அறிய, கண்டெண்ட் கிரியேட்டர் பதல் தாக்கூர் சமீபத்தில் முயற்சி செய்தார்.
பதல் தாக்கூர், மலைப்பகுதியில் ஒரு ரகசிய இடத்தில் தற்காலிக மேகி கடையை அமைத்தார். அவரது வீடியோவில் பார்க்கும்போது, அந்த இடத்திற்கு நல்ல அளவில் மக்கள் வருகை இருந்தது.
அமைப்பு மற்றும் வருமானம்
பதல் தாக்கூரின் கடை அமைப்பில் ஒரு எல்.பி.ஜி. சிலிண்டர் மற்றும் ஒரு மேசை மட்டுமே இருந்தது. அவர் ஒரு பிளேட் மேகியை ரூ.70க்கு விற்றார். சீஸ் மேகி ஒரு பிளேட் ரூ.100க்கு விற்பனையானது. ஒப்பிடுவதற்காகச் சொல்வதானால், சந்தையில் 75 கிராம் மேகி ஒரு பாக்கெட் ரூ.15க்கு கிடைக்கிறது.
தாக்கூர் இதுகுறித்து பேசிய போது “ வெறும் 4 முதல் 5 மணி நேரத்தில் அவர் 200 பிளேட் மேகி விற்றுவிட்டார். அவரது வீடியோவில் சுற்றுலாப் பயணிகள் அவரது சிறிய கடையைச் சுற்றி கூட்டமாக வந்து மேகி வாங்குவது காட்டப்படுகிறது. நாள் முடிவில் அவர் 300 முதல் 350 பிளேட்கள் வரை மேகி விற்பனையானது.. ஒரு பிளேட் ரூ.70 என்றால், ஒரே நாளில் சுமார் ரூ.21,000 எளிதாக சம்பாதித்ததாக அவர் தெரிவித்தார்.
ஆனால் இந்த கணக்கில், எல்.பி.ஜி. சிலிண்டர் செலவு, பயன்படுத்திய டிஸ்போசபிள் கப்புகள் மற்றும் கரண்டிகள், வாங்கிய மேகி பாக்கெட்டுகள் போன்ற செலவுகள் சேர்க்கப்படவில்லை. ஆகவே, நாள் முடிவில் அவருக்கு கிடைத்த நிகர லாபம் ரூ.21,000க்கும் குறைவாகத்தான் இருக்கும்.
அப்படியிருந்தாலும், சமூக ஊடகப் பயனர்கள் இந்த வருமானத்தை பார்த்து ஆச்சரியமடைந்தனர். சிலர், மாதம் 30 நாட்கள் தொடர்ந்து மேகி விற்றால், மாதத்திற்கு ₹6 லட்சத்துக்கும் மேல் சம்பாதிக்கலாம் எனக் கூறினர்.
பயனர் ஒருவர் “ அப்படியென்றால் என் வேலையை விட்டுடலாமா?” என்று கேள்வி எழுப்பினர்.. மற்றொரு பயனர் “ நான் மேகி விற்கப் போறேன்)” என்று குறிப்பிட்டுள்ளார்.. தாக்கூரின் இந்த வீடியோ 3.5 மில்லியன் பார்வைகளுடன் வைரலாகி உள்ளது.
Read More : மீண்டும் Layoff-ஐ தொடங்கியது அமேசான்..! 16,000 பேர் பணிநீக்கம்..! இந்திய ஆபிஸ்களில் பெரும் பாதிப்பு..!
