மத்திய நிதியமைச்சர் நிர்மலா சீதாராமன் நிகழ்ச்சி ஒன்றில் கலந்து கொண்டு பேசுகையில், நரேந்திர மோடி அரசாங்கம் நடுத்தர வர்க்க மக்களுக்கு பல வரி சலுகைகளை வழங்கியுள்ளது, ஆண்டுக்கு ரூ.7.27 லட்சம் வரை வருமானம் ஈட்டுபவர்களுக்கு வருமான வரி விலக்கு அளிக்கப்பட்டுள்ளது. 2023-24ஆம் ஆண்டுக்கான யூனியன் பட்ஜெட்டில் ரூ.7 லட்சம் வரை வருமானம் ஈட்டுபவர்களுக்கு வருமான வரி விலக்கு அளிக்க முடிவு செய்யப்பட்டபோது, சில இடங்களில் சந்தேகம் இருப்பதாகக் குறிப்பிட்டார்.
அரசின் சாதனைகள் குறித்து பேசிய அவர், 2013-14ஆம் நிதியாண்டில் 3,185 கோடி ரூபாயாக இருந்த சிறு, குறு மற்றும் நடுத்தர நிறுவனங்களுக்கான மொத்த பட்ஜெட் 2023-24ஆம் ஆண்டில் ரூ.22,138 கோடியாக அதிகரித்துள்ளது. இது ஒன்பது ஆண்டுகளில் ஏறக்குறைய ஏழு மடங்கு பட்ஜெட் ஒதுக்கீட்டில் ஒரு முன்னேற்றம், இது MSME துறையை மேம்படுத்துவதில் அரசாங்கத்தின் அசைக்க முடியாத அர்ப்பணிப்பைக் குறிக்கிறது என்று அவர் கூறினார்.
சிறு மற்றும் குறு நிறுவனங்களுக்கான பொது கொள்முதல் கொள்கை’ திட்டத்தின் கீழ், 158 மத்திய பொதுத்துறை நிறுவனங்களால் செய்யப்பட்ட மொத்த கொள்முதலில் 33 சதவீதம் MSME நிறுவனங்களிடம் இருந்து எடுக்கப்பட்டவை என்றும், இது இதுவரை இல்லாத அளவுக்கு அதிகமாக இருப்பதாகவும் அவர் கூறினார்.
