வெள்ளத்தில் அடித்துச் செல்லப்பட்ட ரயில் ஒன்றின் வைரல் வீடியோ இணையத்தில் வைரலாகி வருகிறது. அடையாளம் தெரியாத இந்திய ரயில் எக்ஸ்பிரஸ் ரயில் ஒன்று கடும் வெள்ளத்தில் அடித்துச் செல்லப்படுவதை இந்த வீடியோவில் பார்க்க முடிகிறது. ரயில் மூழ்கும்போது பல பார்வையாளர்கள் கூச்சலிட்டு பீதியடைந்து அலறுவதை கேட்கலாம்.. ஆனால், இந்த காட்சிகள் உண்மையானதா என்பது இன்னும் கேள்வியாகவே உள்ளது? இல்லை என்பதே இதற்கான பதில்.. இந்த காணொளி, இணைய பயனர்களால் வேடிக்கைக்காகவோ அல்லது போலி செய்திகளைப் பரப்புவதற்காகவோ உருவாக்கப்பட்ட AI-ஆல் உருவாக்கப்பட்ட வீடியோ என்று கூறப்படுகிறது..
நாட்டின் பல்வேறு பகுதிகள் கடும் மழையால் தத்தளிக்கின்றன, மேலும் வெள்ளம் போன்ற சூழ்நிலையால் குடிமக்கள் பெரும் உயிருக்கு ஆபத்தான பிரச்சினைகளை எதிர்கொள்கின்றனர். இத்தகைய சூழலில் இதுபோன்ற வைரல் காணொளிகள் ஏற்கனவே ஆபத்தில் உள்ளவர்களிடையே அச்சத்தை எழுப்புகின்றன. இந்த வைரல் வீடியோ பாட்னாவைச் சேர்ந்தது என்றும், வெள்ளத்தில் மூழ்கிய கங்கை நதியில் ரயில் அடித்துச் செல்லப்பட்டதாகவும் கூறப்படுகிறது.
இந்த வீடியோவை trainwalebhaiya என்பவர் பகிர்ந்துள்ளார். அந்த வீடியோவின் தலைப்பு, “சமீபத்தில் சமூக ஊடகங்களில் பரவி வரும் AI-யால் உருவாக்கப்பட்ட ரயில் விபத்து வீடியோக்களைப் பார்த்தேன். பின்னால் இருப்பவர்கள் யார், அவர்களின் நோக்கம் என்ன? @RailMinIndia @AshwiniVaishnaw தயவுசெய்து கவனத்தில் கொள்ளுங்கள்.” என்று பதிவிட்டுள்ளார்.
இந்த வீடியோ முற்றிலும் AI-யால் உருவாக்கப்பட்ட வீடியோ. இந்த வீடியோவில் காணப்படும் நபர்களின் கைகளில் காணப்படும் மைக்கில் உள்ள மொழி மற்றும் கையெழுத்து வித்தியாசமாக தெரிகிறது. மறுபுறம், ரயிலில் எழுதப்பட்ட மொழி தெளிவாக இல்லை, மேலும் ரயில் உண்மையானதாகத் தெரியவில்லை. இரண்டாவது வீடியோவில், நீர் ஓட்டம் வித்தியாசமாக உள்ளது.
பாட்னாவில் நடந்த ரயில் விபத்து தொடர்பான ஒரு அதிகாரப்பூர்வ அறிக்கை கூட வீடியோவில் காட்டப்பட்டுள்ள சம்பவத்துடன் தொடர்புடையது அல்ல என்றும் தகவல்கள் தெரிவிக்கின்றன.. எனவே இந்த வைர
