காங்கிரஸ் தலைவர் ராகுல் காந்தி புதன்கிழமை பீகாரில் நடந்த தேர்தல் பேரணியில் பிரதமர் நரேந்திர மோடியை கடுமையாக சாடினார்..
முசாபர்பூரில் நடந்த இந்தியா கூட்டணியின் பேரணியில் உரையாற்றிய ராகுல் காந்தி, பிரதமர் “ நீங்கள் மோடி ஜியை வாக்குகளுக்காக நாடகம் செய்யச் சொன்னால், அவர் அதை செய்வார். நீங்கள் அவருக்கு வாக்களித்து மேடைக்கு வந்து நடனமாடச் சொன்னால், அவர் நடனமாடுவார்.” என்று தெரிவித்தார்.. பீகார் முதல்வர் நிதிஷ் குமார் மாநில அரசாங்கத்தில் ஒரு முகம் மட்டுமே, ஆனால் “ரிமோட் கண்ட்ரோல்” பாஜகவின் கைகளில் உள்ளது என்று கூறி, மாநிலத்தில் உள்ள NDA அரசாங்கத்தையும் அவர் கடுமையாக சாடினார்.
“பீகாரில் அரசு ரிமோட் கண்ட்ரோல் மூலம் இயக்கப்படுகிறது என்று எனக்கு சற்று முன்பு பேசிய தேஜஸ்வி யாதவுடன் நான் உடன்படுகிறேன். அவர்கள் நிதிஷ் குமாரின் முகத்தைப் பயன்படுத்துகிறார்கள்,” என்று ராகுல் காந்தி கூறினார்.
” பீகார் அரசை பாஜக அதைக் கட்டுப்படுத்துகிறது. அவர்கள் கையில் ரிமோட் கண்ட்ரோலர் உள்ளது, அவர்களுக்கு சமூக நீதிக்கும் எந்த சம்பந்தமும் இல்லை. மக்களவையில் பிரதமரின் முன் சாதி கணக்கெடுப்பை நீங்கள் செய்ய வேண்டும் என்று நான் சொன்னேன். அவர் ஒரு வார்த்தை கூட சொல்லவில்லை… பாஜக சமூக நீதிக்கு எதிரானது. அவர்கள் அதை விரும்பவில்லை,” என்று அவர் மேலும் கூறினார்.
பாஜக பதிலடி
ராகுல் காந்தியின் கருத்துக்களுக்கு பாஜக பதிலடி கொடுத்துள்ளது.. எதிர்க்கட்சித் தலைவர் பிரதீப் பண்டாரி காங்கிரஸ் தலைவர் “உள்ளூர் குண்டர்” போல பேசுகிறார் என்று கூறினார். மேலும் தனது எக்ஸ் பதிவில் “ராகுல் காந்தி ஒரு ‘உள்ளூர் குண்டர்’ போல பேசுகிறார். பிரதமர் நரேந்திர மோடி ஜிக்கு வாக்களித்த இந்தியாவின் ஒவ்வொரு ஏழையையும், பீகாரையும் ராகுல் காந்தி வெளிப்படையாக அவமதித்துள்ளார்! ராகுல் காந்தி வாக்காளர்களையும் இந்திய ஜனநாயகத்தையும் கேலி செய்துள்ளார்.” என்று குறிப்பிட்டுள்ளார்..
ராகுல் காந்தி “காணாமல் போய்விட்டார்” என்று பாஜக விமர்சித்திருந்த நிலையில், ராகுல்காந்தி இன்று பாஜகவை கடுமையாக சாடி உள்ளார்..
முன்னதாக, பாஜக தலைவர் அமித் மாளவியா, ராகுல் காந்தியை “59 நாட்களாக காணவில்லை” என்று ஒரு போஸ்டரை எக்ஸ் பக்கத்தில் பதிவிட்டிருந்தார்..
பீகார் சட்டமன்றத் தேர்தல் நவம்பர் 6 மற்றும் 11 ஆகிய தேதிகளில் இரண்டு கட்டங்களாக நடைபெறும். முடிவுகள் நவம்பர் 14 அன்று அறிவிக்கப்பட உள்ளது என்பது குறிப்பிடத்தக்கது..
