நொய்டாவில் வரும் 28-ம் தேதி 144 தடை உத்தரவு அமலில் இருக்கும் என்று தெரிவிக்கப்பட்டுள்ளது..
உத்தரப்பிரதேச மாநிலம் நொய்டா மற்றும் கிரேட்டர் நொய்டாவில் 144 தடை உத்தரவு பிறப்பிக்கப்பட்டுள்ளது.. வரவிருக்கும் பண்டிகைகளை முன்னிட்டு, பாதுகாப்பு கருதி இந்த நடவடிக்கை எடுக்கப்பட்டுள்ளது.. மேலும் இந்த தடை உத்தரவு வரும் 28ம் தேதி வரை அமலில் இருக்கும் என்றும் மாவட்ட நிர்வாகம் தெரிவித்துள்ளது.. கௌத புத்த நகர் போலீசார் இதுகுறித்து வெளியிட்டுள்ள அறிவிப்பில் “வரவிருக்கும் பண்டிகைகள் / கோவிட்-19 நெறிமுறைகளைக் கருத்தில் கொண்டு, பாதுகாப்புக் கருதி மாவட்டத்தில் 04.02.2023 முதல் 28.02.2023 வரை, 144 பிரிவின் கீழ் தடை உத்தரவுகள் பொருந்தும். இந்த உத்தரவை மீறினால் ஐபிசி பிரிவு-188 இன் கீழ் நடவடிக்கை எடுக்கப்படும்” என்று தெரிவிக்கப்பட்டுள்ளது..
என்னென்ன கட்டுப்பாடுகள்..?
- 5அல்லது அதற்கு மேற்பட்ட நபர்கள் ஒன்று கூடுவதையும் கூடுவதையும் மாவட்ட ஆட்சியர் தடை செய்துள்ளார்.
- பிப்ரவரி 28 வரை ஊர்வலங்களை நடத்துவது அல்லது நடத்துவது தடை செய்யப்பட்டுள்ளது.
- பட்டாசு வெடிக்க தடை விதிக்கப்பட்டுள்ளது.
- ஒலிபெருக்கி பயன்படுத்த தடை விதிக்கப்பட்டுள்ளது.
- ஊர்வலத்தில் இசைக் குழுக்கள் தடைசெய்யப்பட்டுள்ளன.
- அனுமதியின்றி கூட்டம் கூடுவது தடைசெய்யப்பட்டுள்ளது.
- போராட்டம்/உண்ணாவிரதம் தடைசெய்யப்பட்டுள்ளது.
மஹாசிவராத்திரியை முன்னிட்டு பக்தர்கள் அதிக அளவில் கூடும் வாய்ப்பை வைத்து, பிப்ரவரி 18 ஆம் தேதி தீவிர கண்காணிப்பில் காவல்துறையினர் ஈடுபடுவார்கள் என்று தெரிவிக்கப்பட்டுள்ளது..
