வாழ்க்கையின் இறுதி கட்ட சிகிச்சை தொடர்பான முக்கிய தீர்ப்பை உச்சநீதிமன்றம் வழங்கி உள்ளது.. கடந்த 12 ஆண்டுகளாக கோமாவில் இருந்த 31 வயதான ஹரிஷ் ராணாவை கருணைக் கொலை செய்ய உச்சநீதிமன்றம் அனுமதி வழங்கி உள்ளது..
12 ஆண்டுகளாக சிகிச்சையில் இருந்த இளைஞர்
2013 ஆம் ஆண்டு ஒரு கட்டிடத்தின் 4-வது மாடியில் இருந்து கீழே விழுந்த விபத்தில் ஹரிஷ் ராணா கடுமையான தலை காயம் அடைந்தார். இந்த விபத்தால் அவருக்கு மிகுந்த மூளை பாதிப்பு ஏற்பட்டது. அதன் பின்னர் அவர் முழுமையாக கோமா நிலையில் இருந்து வருகிறார்.
அதன்பின் கடந்த 12 ஆண்டுகளாக அவர் மருத்துவ கருவிகளின் உதவியால் மட்டும் உயிருடன் வைத்துக் கொள்ளப்பட்டு வந்தார். இயற்கையாக சுயமாக வாழும் நிலை இல்லாமல், முழுவதும் செயற்கை வாழ்க்கை ஆதரவ கருவிகளின் ஆதரவில் தான் அவர் இருந்தார்
தந்தையின் மனு
மகனின் நிலைமையில் எந்த முன்னேற்றமும் இல்லாமல் பல ஆண்டுகள் கடந்ததால், ஹரிஷ் ராணாவின் தந்தை உச்சநீதிமன்றத்தை அணுகினார். தனது மனுவில், கடந்த 12 ஆண்டுகளாக மகன் எந்த மாற்றமும் இல்லாத நிலையில் இருப்பதாகவும், மருத்துவ ரீதியாக மீண்டும் சாதாரண வாழ்க்கைக்கு திரும்பும் வாய்ப்பு இல்லை என்றும் கூறினார்.
அதனால், மகனை உயிருடன் வைத்திருக்கும் செயற்கை மருத்துவ ஆதரவை (life support) நிறுத்த அனுமதி வழங்க வேண்டும் என்று நீதிமன்றத்தில் கோரிக்கை வைத்தார்.
உச்சநீதிமன்றம் தீர்ப்பு
இந்த வழக்கை விசாரித்த உச்சநீதிமன்றம், வாழ்க்கை ஆதரவை நிறுத்துவது மிகவும் முக்கியமான மற்றும் உணர்ச்சிப்பூர்வமான முடிவு என்பதால் அதை மிகவும் கவனமாக எடுத்துக்கொள்ள வேண்டும் என்று தெரிவித்தது. அதே நேரத்தில், குடும்பத்தினர் முழுமையாக சிந்தித்து, ஒரே கருத்துடன் முடிவு எடுக்க வேண்டும் என்றும் நீதிமன்றம் வலியுறுத்தியது.
இந்த வழக்கில் முக்கியமான தீர்ப்பாக, ஹரிஷ் ராணாவை கருணைக் கொல்லை செய்யவும் உச்சநீதிமன்றம் அனுமதி வழங்கியது.
இதன் மூலம், இந்திய சட்டத்தில் குறிப்பிடப்பட்டுள்ள நடைமுறைகள் மற்றும் மருத்துவ விதிமுறைகளின் படி, அவரை உயிருடன் வைத்திருக்கும் செயற்கை வாழ்க்கை ஆதரவை தற்போது நீக்க முடியும்.
அதே நேரத்தில், இத்தகைய முடிவுகளில் குடும்ப உறுப்பினர்களின் கருத்து மிகவும் முக்கியமானதாக இருக்கும் என்றும் நீதிமன்றம் தெரிவித்தது. குடும்பம் ஒருமித்த மற்றும் நன்றாக சிந்தித்த முடிவை எடுக்க வேண்டும் என்று மீண்டும் நீதிமன்றம் கூறியது.
கருணைக் கொலை என்றால் என்ன?
கடுமையான நோயால் பாதிக்கப்பட்ட அல்லது நிரந்தரமாக உணர்விழந்த நிலையில் இருக்கும் நோயாளி இயற்கையாக இறப்பதற்கு அனுமதி வழங்கும் ஒரு நடைமுறை தான் கருணைக் கொலையாகும். அதாவது, அவரை உயிருடன் வைத்திருக்கும் மருத்துவ சிகிச்சைகள் அல்லது கருவிகளை நிறுத்துவதன் மூலம், இயற்கையான மரணம் நடைபெற அனுமதிக்கப்படுகிறது.
இதில் நேரடியாக மரணத்தை ஏற்படுத்தும் எந்த செயலும் செய்யப்படாது. அதாவது மருத்துவர் மரணத்தை ஏற்படுத்தும் மருந்து கொடுப்பது போன்ற செயல் இதில் இடம்பெறாது.
இந்தியாவில் உள்ள சட்ட நடைமுறை
இந்தியாவில் கருணைக் கொலை சில கடுமையான விதிமுறைகளுடன் அனுமதிக்கப்பட்டுள்ளது.
இதற்கான முக்கிய நிபந்தனைகள்:
நோயாளி மீண்டும் குணமடையும் வாய்ப்பு இல்லாத நிலை இருக்க வேண்டும்
மருத்துவ நிபுணர்கள் நோயாளியின் நிலையை மதிப்பாய்வு செய்ய வேண்டும்
முடிவு எடுக்கும் போது சட்ட ரீதியான நடைமுறைகள் பின்பற்றப்பட வேண்டும்
குடும்ப உறுப்பினர்களின் கருத்து முக்கியமாக கருதப்படும்
நோக்கம் மரணத்தை ஏற்படுத்துவது அல்ல; நோயாளியின் மரியாதையை பாதுகாப்பதே முக்கியம்
இந்த வழக்கின் முக்கியத்துவம்
ஹரிஷ் ராணா வழக்கில் உச்சநீதிமன்றம் வழங்கிய இந்த தீர்ப்பு, அவரது குடும்பத்திற்கே மட்டும் முக்கியமானது அல்ல. இந்தியாவில் மருத்துவ நெறிமுறைகள் மற்றும் “மரியாதையுடன் இறக்கும் உரிமை” குறித்த பெரிய விவாதத்தையும் இது மீண்டும் முன்னிறுத்தியுள்ளது.
பல ஆண்டுகள் கோமா நிலையில் இருக்கும் நோயாளிகளின் குடும்பங்கள் கடுமையான உணர்ச்சி, பொருளாதார மற்றும் மன அழுத்தத்தை எதிர்கொள்கின்றன. அத்தகைய சூழ்நிலைகளில், வாழ்க்கையின் இறுதி கட்டத்தில் மனித மரியாதையை பாதுகாப்பது முக்கியம் என்பதைக் இந்த தீர்ப்பு மீண்டும் நினைவூட்டுகிறது.
மேலும், இத்தகைய ஆழ்ந்த உணர்திறன் வாய்ந்த வழக்குகளைக் கையாள்வதில் தெளிவான மருத்துவ நெறிமுறைகள், குடும்ப ஒப்புதல் தரநிலைகள் மற்றும் சட்டப் பாதுகாப்புகளின் வளர்ந்து வரும் முக்கியத்துவத்தையும் இந்தத் தீர்ப்பு எடுத்துக்காட்டுகிறது.
Read More : மார்ச் 15 ஆம் தேதிக்குள் இந்தப் பணியை முடிக்கவும்.. இல்லன்னா அவ்வளவு தான்..!
