தினமும் கொளுத்தும் வெயில் தாங்க முடியாத எரிச்சலையும், வெக்கையையும் உண்டாக்குகிறது. குறிப்பாக, மாலையில் இருக்கும் வெப்பத்தின் தாக்கம் வியர்வையிலேயே நம்மை குளிப்பாட்டி விடுகிறது. இப்படியான சூழலில் நிம்மதியான உறக்கத்திற்கு எங்கே போவது..? அதுவும் நாள் முழுவதும் களைத்து சோர்வாக இருப்போருக்கு இது மிகவும் கடினம் தான். இதற்காகத்தான் பலரும் வீட்டில் ஏசியை பயன்படுத்தி வருகின்றனர். ஆனால், பலருக்கும் இது சாத்தியமில்லாத பொருளாதார சிக்கல் இருக்கலாம். இன்னும் சொல்லப்போனால் பெரும்பான்மையாக உள்ள மிடில் கிளாஸ் குடுப்பத்தினருக்கு ஏர் கூலர் கூட வாங்க முடியாத சூழல் இருக்கும். இருப்பினும் நீங்கள் கவலையே பட வேண்டாம். உங்களுக்கு ஏசி தரத்தில் குளுகுளு காற்று வேண்டுமெனில் இந்த டிப்ஸை தினமும் இரவு ஃபாலோ பண்ணுங்க.
வீட்டை குளுமையாக வைத்துக்கொள்ள ஏசியோ, ஏர் கூலரோதான் இருக்க வேண்டும் என்று அவசியமில்லை. ஒரு ஐஸ் கட்டி இருந்தால் கூட போதும். தூங்கும் போது ஜன்னல் முன் டேபிள் ஃபேன் வையுங்கள். பின் ஒரு கிண்ணம் முழுவதும் ஐஸ் கட்டிகளை நிரப்பி அதை ஃபேன் உள்ள டைரக்ஷனில் வைக்கவும். வழிய வழிய வைக்க வேண்டாம். பின் ஐஸ் கட்டி உருகி தண்ணீர் கீழே வடியத்தொடங்கும். எனவே அதற்கு ஏற்ப வையுங்கள். இவ்வாறு செய்வதால் குளுமையான காற்று கிடைக்கும். அதோடு அறையும் குளுமையாக மாறிவிடும்.
இந்த முறை பின்பற்றப்பட்டால், அறையை குளிர்விக்க அதிக நேரம் எடுக்காது. அதேசமயம் ஐஸ் கட்டிகள் கரைந்துவிட்டால் உடனே அறை வெப்பமாகிவிடும். எனவே அவ்வப்போது எழுந்து உருகிய நீரை ஊற்றிவிட்டு மீண்டும் ஐஸ் கட்டிகளை கொட்டி வையுங்கள். இவ்வாறு செய்ய அறை இரவு முழுவதும் குளுர்ச்சியாக இருக்கும். உங்களுக்கும் வெக்கை இல்லாத நிம்மதியான உறக்கம் கிடைக்கும்.
