டி20 உலககோப்பை சூப்பர் 12 ஆட்டத்தில் இந்தியா-வங்கதேச அணிகள் மோதிய நிலையில் மழை குறுக்கிட்டதால் ஆட்டம் பாதிக்கப்பட்டது.
டி.20 உலக கோப்பை சூப்பர் 12 சுற்று ஆட்டத்தில் இந்தியா கட்டாயம் வெற்றி பெற்றே தீர வேண்டும் என்ற நெருக்கடியில் உள்ளது. முதலில் பேட்டிங் செய்த இந்திய அணி 20 ஓவர்கள் முடிவில் 6 விக்கெட் இழப்பிற்கு 184 ரன்கள் குவித்துள்ளது. 185 ரன்கள் எடுத்தால் வெற்றி என்ற நிலையில் வங்கதேச அணி களமிறங்கியது. 7 ஓவரில் விக்கெட் இழப்பின்றி 66 ரன்கள் குவித்தது. அந்த அணியைச் சேர்ந்த லிட்டன் தாஸ் 26 பந்துகளில் 59 ரன்கள் குவித்தார். ஷட்டோ 7 ரன் எடுத்து களத்தில் உள்ளார்.
ஏழு ஓவர்கள் முடிந்த நிலையில் மழை வந்ததால் ஆட்டம் பாதிக்கப்பட்டது. இதனால் இடை நிறுத்தம் செய்யப்பட்டுள்ளது. 78 பந்துகளில் 119 ரன்கள் எடுத்தால் வெற்றி என்ற நிலையில் வங்கதேச அணி உள்ளது.இந்தி அணிக்கு இது சற்று கடினமான காலக்கட்டம் . 10 விக்கெட்டுகளை வீழ்த்தினால் வெற்றி என்ற சூழ்நிலையில் உள்ளது.
மழை வேகமாக பெய்து வருவதால் ஆட்டம் நடைபெறுவதில் சிக்கல் உள்ளது. மழை நீடிக்கும் பட்சத்தில் டக்ஸ்வொர்த் முறையில் வெற்றி அறிவிக்கப்படும். அப்படி வெற்றி அறிவிக்கும்பட்சத்தில் வங்கதேச அணிக்கு வெற்றி வாய்ப்பு செல்லும். இந்திய அணியை விட 17 ரன்கள் முன்னிலையில் உள்ளது வங்கதேச அணி. எனவே மழை நிற்கவேண்டும் என்று ரசிகர்கள் எதிர்பார்த்துள்ளனர்.