சமூக ஊடகங்களில் தினமும் பல வீடியோக்கள் வைரலாகி வருகின்றன.. அந்த வகையில் சமீபத்தில் ஒரு அதிர்ச்சியூட்டும் வீடியோ வெளியானது.. ஒரு பெரிய ஆபத்திலிருந்து நூலிழையில் தப்பிய குழந்தையின் வீடியோ தான் அது. எனினும் பேருந்து ஓட்டுநரின் சாதூர்யமான செயலலால் ஒரு பெரிய விபத்து தவிர்க்கப்பட்டது.
கேரளாவின் கோழிக்கோட்டில் இந்த சம்பவம் நடந்துள்ளது.. ஒரு பேருந்து சாலையில் வேகமாகச் சென்று கொண்டிருந்தபோது, திடீரென்று ஒரு சிறுமி சாலையின் குறுக்கே ஓடினாள். இந்த நெஞ்சை உலுக்கும் காட்சி அங்கு பொருத்தப்பட்டிருந்த சிசிடிவி கேமராவில் பதிவாகியுள்ளது. அந்தச் சிறுமி வேகமாக வந்த பேருந்திற்கு மிக அருகில் சென்றாள். ஆனால் அதிர்ஷ்டவசமாக, தனது புத்திசாலித்தனத்தாலும் சுறுசுறுப்பாலும் அவள் விரைவாகப் பேருந்திலிருந்து விலகி பாதுகாப்பாகத் தப்பிவிட்டாள்.
பேருந்து ஓட்டுநர் சரியான நேரத்தில் செயல்பட்டு, பிரேக் போட்டு பேருந்தை நிறுத்தினார். ஓட்டுநர் கவனமாக இருந்திருக்கவில்லை என்றால், இந்த விபத்து மிகவும் மோசமாக இருந்திருக்கும்.. இந்த வீடியோ குழந்தைகளின் விழிப்புணர்வு மற்றும் பெற்றோரின் பொறுப்பு குறித்து கேள்விகளை எழுப்புகிறது. குழந்தைகள் திடீரென்று சாலையின் குறுக்கே ஓடி வாகனங்களில் அடிபடாமல் இருக்க, சாலையில் நடக்கும்போது அவர்களின் கைகளைப் பிடித்துச் செல்வது மிகவும் முக்கியம்.
இந்த வீடியோ சமூக ஊடகங்களில் வைரலானதால், இணையவாசிகள் கருத்து தெரிவித்து வருகின்றனர். ஒரு பயனர், “இதைக் கண்டதும் என் இதயமே நின்றுவிட்டது. அதிர்ஷ்டவசமாக, அவள் பாதுகாப்பாகத் தப்பிவிட்டாள்,” என்று பதிவிட்டுள்ளார்.
மற்றொரு பயனர், “குழந்தைகளின் விஷயத்தில் கவனமாக இருப்பது நமது பொறுப்பு. ஒரு கண நேர கவனக்குறைவு ஒரு பெரிய விபத்திற்கு வழிவகுக்கும். பெற்றோர்கள் சாலையில் தங்கள் குழந்தைகளின் பாதுகாப்பை எப்போதும் உறுதி செய்ய வேண்டும்,” என்று கூறினார்.
