பல ஆண்டுகளாக நீடித்த ‘கைலாசா’ நாட்டின் இருப்பிட மர்மத்துக்கு நித்தியானந்தா தற்போது முற்றுப்புள்ளி வைத்துள்ளார். மேற்கு ஆப்பிரிக்காவில் உள்ள கினியா-பிசாவ் அருகே, அட்லாண்டிக் பெருங்கடல் பகுதியில் கைலாசா அமைந்துள்ளதாக அவர் வெளியிட்ட புதிய வீடியோவில் குறிப்பிட்டுள்ளார். இதுவரை ரகசியமாக வைத்திருந்த கைலாசாவின் இருப்பிடத்தை அவர் தற்போது வெளிப்படுத்தியுள்ளார்.
இந்தியாவில் பல்வேறு வழக்குகளை எதிர்கொண்ட நித்தியானந்தா, கடந்த 2016ஆம் ஆண்டு தனது சீடர்களுடன் நாட்டை விட்டு வெளியேறினார். அதன் பின்னர் வெளிநாட்டில் இருந்து சமூக வலைதளங்கள் மற்றும் யூடியூப் நேரலைகள் வழியாக தனது கருத்துகளை வெளியிட்டு வந்தார்.
இதற்கிடையில், ‘கைலாசா’ என்ற பெயரில் தனி நாட்டை உருவாக்கியதாக நித்தியானந்தா அறிவித்தார். அந்த நாட்டுக்கு அதிபர், அமைச்சர்கள், வங்கி, தனி நாணயம் உள்ளிட்ட நிர்வாக அமைப்புகள் இருப்பதாகவும் அவர் பல்வேறு அறிவிப்புகளை வெளியிட்டார். ஆனால் கைலாசா எங்கு அமைந்துள்ளது என்ற கேள்விக்கு மட்டும் இதுவரை தெளிவான பதிலை அவர் அளிக்கவில்லை.
இந்நிலையில், அவர் வெளியிட்டுள்ள புதிய வீடியோவில் கைலாசாவின் இருப்பிடத்தை வெளிப்படையாக குறிப்பிட்டுள்ளார். மேற்கு ஆப்பிரிக்க நாடான கினியா-பிசாவ் அருகே அட்லாண்டிக் கடல் பகுதியில் கைலாசா அமைந்துள்ளதாக அந்த வீடியோவில் நித்தியானந்தா தெரிவித்துள்ளார்.
இந்த தகவல் வெளியானதும் சமூக வலைதளங்களில் கைலாசா மீண்டும் பேசுபொருளாகியுள்ளது. நித்தியானந்தாவின் புதிய வீடியோவை பலரும் பகிர்ந்து வரும் நிலையில், கைலாசாவின் இருப்பிடம் தொடர்பான அவரது அறிவிப்பு இணையத்தில் பல்வேறு விவாதங்களையும் விமர்சனங்களையும் உருவாக்கியுள்ளது.
இந்தியாவில் இருந்து வெளியேறிய பிறகு நித்தியானந்தாவின் இருப்பிடம் குறித்து பல்வேறு தகவல்கள் தொடர்ந்து பரவி வந்த நிலையில், தற்போது கைலாசாவின் முகவரியை அவர் வெளியிட்டிருப்பது இந்த விவகாரத்தில் புதிய திருப்பத்தை ஏற்படுத்தியுள்ளது.
Also Read: “கள்ளக்காதலன் இருக்கும்போது புருஷன் எதுக்கு?”… கணவனை தீர்த்துக்கட்ட கள்ளக்காதலனுடன் சேர்ந்து மனைவி போட்ட திட்டம்!
