10, 11 மற்றும் 12-ம் வகுப்பு பொதுத்தேர்விற்கு விண்ணப்பிக்கத் தவறிய தனித்தேர்வர்கள், இன்று மாலை வரை தட்கல் முறையில் விண்ணப்பிக்கலாம்.
10, 11 மற்றும் 12-ம் வகுப்பு பொதுத்தேர்விற்கு விண்ணப்பிக்க தவறிய தனித்தேர்வர்கள் தட்கல் முறையில் ஆன்லைன் மூலம் விண்ணப்பிக்கலாம். தேர்வுக்கு விண்ணப்பிக்கத் தவறிய தனித்தேர்வர்கள் இன்று மாலை வரை, மாவட்ட வாரியாக அமைக்கப்பட்டுள்ள அரசுத் தேர்வுகள் இயக்கக சேவை மையங்களில் நேரில் சென்று தேர்வுக் கட்டணத்துடன் சிறப்புக் கட்டணம் செலுத்தி விண்ணப்பங்களைப் பதிவு செய்யலாம்.
மேல்நிலை மாணவர்கள் 1,000 ரூபாயும், 10-ம் வகுப்பு மாணவர்கள் 500 ரூபாயும் சிறப்புக்கட்டணம் செலுத்த வேண்டும். மாவட்ட வாரியாக அமைக்கப்பட்டுள்ள அரசுத் தேர்வுத்துறையின் சேவை மையங்களின் விவரங்களையும், தேர்விற்கான அறிவுரைகள் மற்றும் தகுதிகளையும் www.dge1.tn.gov.in என்ற இணையதளத்திலும், கல்வித்துறையின் அலுவலகங்களிலும் தெரிந்து கொள்ளலாம்.
