மும்பையில் உள்ள ஒரு ரெஸ்டாரண்ட் அருகில் ஞாயிற்றுக்கிழமை காலை நேரத்தில் மும்பையின் மாடுங்கா நகர் பகுதியில் தனது நண்பருடன் நின்று கொண்டிருந்த 28 வயது இளைஞர் ஒருவர், அங்கு அருகில் நின்றிருந்த 3 பேர் கொண்ட நண்பர் குழுவில் ஒருவரை முறைத்து பார்த்துள்ளார்.
இதனால் ஆத்திரமடைந்த அவர்கள், இளைஞரை தன் அணிந்திருந்த பெல்ட் கொண்டு அடுத்து, தலையில் சரமாரியாக தாக்கியது மட்டுமல்லாமல் குத்தி, தகாத வார்த்தைகளால் திட்டியுள்ளனர்.
இதனால் படுகாயமடைந்த இளைஞர் அங்கேயே நிலைகுலைந்து கீழே விழுந்துள்ளார். அருகிலிருந்தவர்கள் அவரை சிகிச்சைக்காக மருத்துவமனையில் சேர்த்தனர். இந்நிலையில் அவர் சிகிச்சை பலனின்றி மருத்துவ மனையிலேயே உயிரிழந்துள்ளார்.
ஷாகு நகர் காவல்துறையினர் வழக்குப்பதிவு செய்து, குற்றவாளிகளை கைதுசெய்து விசாரித்து வருகின்றனர். இத்துயர சம்பவம் அங்குள்ள மக்களை பெரும் அதிர்ச்சிக்குள்ளாக்கியுள்ளது.
