நிஜாமாபாத் அரசு மருத்துவக் கல்லூரி விடுதியில் இறுதி ஆண்டு மாணவர் இறுதி ஆண்டு மாணவர் ஒருவர் தற்கொலை செய்து கொண்ட சம்பவமும் ஒருவர் தற்கொலை செய்து கொண்ட சம்பவம் அதிர்ச்சியையும் சோகத்தையும் ஏற்படுத்தி இருக்கிறது. காவல்துறையினரின் தகவலின்படி 22 வயதான தசரி ஹர்ஷா என்ற மாணவர் தான் தற்கொலை செய்து இருக்கிறார். வெள்ளிக்கிழமை இரவு நண்பர்களுடன் அமர்ந்து நன்றாக சிரித்துப் பேசி விட்டு தனது அறைக்குச் சென்ற ஹர்ஷா அதன் பிறகு தற்கொலை செய்து கொண்டிருக்கிறார். அவர் தற்கொலை செய்து கொண்டதற்கான காரணம் இதுவரை தெரியவில்லை என காவல்துறையை அறிவித்திருக்கிறது.
இரவு உணவிற்குப் பின் தனது அறைக்குச் சென்ற ஹர்ஷா காலை வெகு நேரம் ஆகியும் வராததால் அவரது நண்பர்கள் சென்று பார்த்தபோது அவர் தற்கொலை செய்திருப்பது தெரிந்தது. இதனைத் தொடர்ந்து காவல்துறைக்கு தகவல் அளித்துள்ளனர். அதன்படி சம்பவ இடத்திற்கு வந்த காவல்துறையினர் அவரது உடலை கைப்பற்றி பிரேத பரிசோதனைக்காக மாவட்ட பொது மருத்துவமனைக்கு அனுப்பி வைத்தனர். இறந்த மாணவர் ஹர்ஷா சிந்தகுடா என்ற கிராமத்தைச் சார்ந்தவர். இவரது தந்தை ஸ்ரீனிவாசன் வளைகுடா நாடுகளில் பணியாற்றி வருகிறார் என்பது குறிப்பிடத்தக்கது.
