கர்நாடகா சட்டமன்ற தேர்தல் பிரச்சாரத்தில் ஈடுபட்டிருந்த பிரதமர் மோடி மீது திடீரென தொண்டர் ஒருவர் தனது மொபைல் போனை தூக்கி வீசிய சம்பவம் பெரும் பரபரப்பை ஏற்படுத்தியுள்ளது.
கர்நாடகாவில் தேர்தல் நடைபெறவுள்ள மைசூருவில் நேற்று பிரதமர் நரேந்திர மோடியின் ரோட் ஷோ நடைபெற்றது. அப்போது பாதுகாப்பு மீறலில் பிரதமர் வாகனத்தின் மீது மொபைல் போன் ஒன்று வீசப்பட்டது. காவல்துறையின் கூற்றுப்படி, பெண் பாஜக தொண்டர் “உற்சாகத்தில்” தொலைபேசியை எறிந்தார், மேலும் அவருக்கு “தவறான நோக்கம்” இல்லை என்று கூறியுள்ளனர்.
பிரதமர் மோடி எஸ்பிஜி பாதுகாப்பில் இருந்தார். அந்த போன் பாஜக பிரமுகர் ஒருவருடையது. அந்த நபரை நாங்கள் கண்டுபிடித்துள்ளோம், அவரின் அந்த தொலைபேசி பிரதமரின் பாதுகாப்பு குழுவிடம் ஒப்படைக்கப்பட்டது, ”என்று சட்டம் மற்றும் ஒழுங்கு ஏடிஜிபி அலோக் குமார் கூறினார்.
