அசாம் மாநிலம் கோக்ராபர் என்ற பகுதியில் நடந்துள்ளது.அதாவது அந்த பகுதியைச் சேர்ந்த 17 வயது சிறுமி ஒருவர் தன்னுடைய காதலனை திருமணம் செய்து கொள்வதற்காக வீட்டை விட்டு வெளியேறியுள்ளார். காதலர்கள் இருவரையும் கோக்ராபர் காவல் நிலைய காவல்துறையினர் பிடித்து விசாரணை செய்துள்ளனர்.
மேலும் காதலர்கள் இருவரையும் காவல் நிலையத்திற்கு அழைத்து வந்த அவர்கள் அன்றைய தினம் இரவு லாக்கப்பில் அடைத்து வைத்திருந்தனர் அப்போதுதான் 17 வயது சிறுமிக்கு இந்த கொடூர நிகழ்வு நடந்துள்ளது. அங்கே பணிபுரிந்த காவல் ஆய்வாளர் பீமன் ராய் சிறுமியை மிரட்டி ஆடைகளை களையச் செய்து நிர்வாணப்படுத்தி இருக்கின்றார்.
மேலும் காவல் நிலையத்தில் இருந்த மற்ற காவல் துறையினர் முன்னிலையில் அந்த சிறுமியை நிர்வாணமாக்கி அதனை புகைப்படம் எடுத்த பீமன் ராய் தொடர்ந்து, அவருக்கு பாலியல் தொல்லை வழங்கியுள்ளார். பாதிப்புக்குள்ளான சிறுவி தனக்கு நேர்ந்த இந்த கொடுமையை புகார் கடிதமாக எழுதி காவல்துறை உயர் அலுவலர்களுக்கு அனுப்பி இருக்கிறார். இதனை தொடர்ந்து, டிஐஜி பிரஜன்ஜித் காவல் நிலையத்திற்கு நேரில் சென்று ஆய்வு செய்து விசாரணை நடத்தினார் இது குறித்த அறிக்கையை ஆசாம் மாநில டிஜிபி ஜிபி சிங்கிடம் சமர்ப்பித்தார்.
சிறுமி வழங்கிய புகாரை அடிப்படையாகக் கொண்டு பீமன் ராயை பணியிடை நீக்கம் செய்து அசாம் மாநில டிஜிபி ஜி.பி.சிங் உத்தரவு பிறப்பித்தார். மேலும் பீமன்ராய் மீது போக்சோ உள்ளிட்ட பல்வேறு பிரிவுகளின் கீழ் வழக்கு பதியப்பட்டுள்ளது.. அத்துடன் காவல்துறையினர் அவரை தீவிரமாக தேடி வருகின்றனர். காவல் நிலையத்தில் சிறுமிக்கு நேர்ந்த இந்த கொடூர சம்பவம் அசாம் மாநிலத்தில் அதிர்ச்சியை ஏற்படுத்தியிருக்கிறது.
