இஸ்ரேல்-ஈரான் போர் உலகளாவிய அச்சத்தை எழுப்பிய ஒரு மாதத்திற்குப் பிறகு, தற்போது மற்றொரு பெரிய மோதல் 3 ஆம் உலகப் போரை ஏற்படுத்தும் அச்சுறுத்தலை ஏற்படுத்தியுள்ளது. ஏனெனில் அமெரிக்கா தலைமையிலான நேட்டோ நாடுகள் ரஷ்யா மீது பெரிய அளவிலான அணு ஆயுதத் தாக்குதலை நடத்தத் தயாராகி வருவதாக ரஷ்ய அரசு ஊடகங்களில் செய்திகள் தெரிவிக்கின்றன.
ரஷ்யா-உக்ரைன் போர் காரணமாக, ரஷ்யாவிற்கும் அமெரிக்கா தலைமையிலான மேற்கத்திய சக்திகளுக்கும் இடையே பதற்றம் அதிகரித்து வருகிறது.. ரஷ்ய அதிபர் மாளிகையான கிரெம்ளினுக்கு நெருக்கமான நிபுணர்கள் மற்றும் ஆய்வாளர்களை மேற்கோள் காட்டி, ரஷ்யாவுடன் நேட்டோ ஒரு பெரிய மோதலுக்குத் தயாராகி வருவதாக ரஷ்ய ஊடகங்கள் தெரிவிக்கின்றன.
சீனா போன்ற ரஷ்யாவின் நட்பு நாடுகள் ராணுவத்தில் இறங்குவதால், உலகளாவிய மோதலுக்கு வழிவகுக்கும் என்ற சந்தேகம் எழுந்துள்ளது.. அத்தகைய மோதல் 3 ஆம் உலகப் போரைத் தூண்டக்கூடும் என்று நிபுணர்கள் நம்புகின்றனர். அணு ஆயுத மோதல் உட்பட, நேட்டோ உடன் ஒரு பெரிய போருக்கு ரஷ்ய குடிமக்களை தயார்படுத்தி வருவதாகவும் கூறப்படுகிறது..
ரஷ்யா-உக்ரைன் போர் ஏன் 3 ஆம் உலகப் போரை தூண்டக்கூடும்?
ரஷ்யாவின் பல செய்தி ஊடகங்களில் இதுபோன்ற செய்திகள் வெளியிடப்பட்டு வருகின்றன. அமெரிக்கா, பிரிட்டன் மற்றும் அவர்களின் ஐரோப்பிய நட்பு நாடுகள் உட்பட மேற்கு நாடுகள் தற்போதைய தசாப்தத்தின் இறுதிக்குள் ரஷ்யா மீது பெரிய அளவிலான போரை தொடங்கக்கூடும் என்று கூறுகின்றன.
ரஷ்யாவை முடக்குவதற்கான பெரிய மூலோபாயத்தின் ஒரு பகுதி போர் என்றும், இது தவிர்க்க முடியாமல் மூன்றாம் உலகப் போரைத் தூண்டும் என்றும் ரஷ்ய நிபுணர்கள் நம்புகின்றனர், ஏனெனில் ரஷ்யாவின் நட்பு நாடுகள் போரில் சேரும் என்றும் அவர்கள் கூறுகின்றனர்..
குறிப்பாக, அமெரிக்க, ஐரோப்பா மற்றும் ஆப்பிரிக்காவின் ராணுவ தளபதி ஜெனரல் கிறிஸ்டோபர் டோனாஹூ, நேட்டோ நாடுகளால் சூழப்பட்ட ரஷ்யாவின் கலினின்கிராட் பகுதியைத் தாக்குவது குறித்து பகிரங்கமாகப் பேசியுள்ளார். ஆனால், அணு ஆயுதங்களை நிலைநிறுத்துவது உட்பட அனைத்து நடவடிக்கைகளையும் எடுப்பதாக ரஷ்யா கடுமையான பதிலடியை வெளியிட்டது.
தாக்குதல் எங்கிருந்து தொடங்கப்படும்?
நேட்டோ படைகள், சமீபத்தில் கூட்டணியில் இணைந்த பின்லாந்தை ரஷ்யாவைத் தாக்குவதற்கான ஒரு ஏவுதளமாகப் பயன்படுத்தலாம் என்று ரஷ்ய நிபுணர்கள் கூறுகின்றனர்.. மாஸ்கோவின் SVR உளவுத்துறை சேவை, அமெரிக்கா தலைமையிலான ராணுவக் குழு மால்டோவாவை ஒரு இராணுவத் தளமாக மாற்றுவதாக குற்றம் சாட்டியுள்ளது, இது கிழக்கு ஐரோப்பாவில் நேட்டோவிற்கும் ரஷ்யப் படைகளுக்கும் இடையே நேரடி மோதலுக்கு வழிவகுக்கும்.
செயிண்ட் பீட்டர்ஸ்பர்க் அல்லது கலினின்கிராட் மீதான எந்தவொரு தாக்குதலும் ஒரு பெரிய போருக்கு வழிவகுக்கும் என்று ரஷ்ய இராணுவ விமர்சகர் ஜிமோவ்ஸ்கி எச்சரித்தார். அதே நேரத்தில் முன்னாள் ஜனாதிபதி டிமிட்ரி மெட்வெடேவ், அமெரிக்கா மற்றும் ஐரோப்பா ரஷ்யா-உக்ரைன் போரில் தலையிட்டதால் ஏற்கனவே 3 ஆம் உலகப் போர் சூழ்நிலை எழுந்துள்ளது என்று கூறியிருந்தார் என்பது குறிப்பிடத்தக்கது.
Read More : இன்று பூமியை கடக்க உள்ள ராட்சத விண்கல்.. விமானத்தின் அளவு கொண்டதாம்.. பூமிக்கு ஆபத்தா? நாசா சொன்ன தகவல்..
