இன்று காலை முதலே உலகம் முழுவதும் உள்ள கோடிக்கணக்கான இணைய பயனர்களுக்கு அதிர்ச்சியளிக்கும் வகையில், முன்னணி வீடியோ தளமான யூடியூப் (YouTube) திடீரென முடங்கியது. இந்தியா உட்பட உலகின் பல்வேறு நாடுகளில் இந்தப் பாதிப்பு எதிரொலித்ததாக கூறப்படுகிறது. முன்னதாக பயனர்கள் யூடியூப் செயலியை திறந்தால், முகப்புப் பக்கத்தில் எந்த வீடியோக்களும் தோன்றாமல் ‘பிளாங்க்’ (Blank) ஆக காட்சி அளித்தது. தேடுதல் (Search) வசதியைப் பயன்படுத்தினாலும் ‘Error’ என்றே வருவதால், வீடியோக்களைப் பார்க்க முடியாமல் தவித்தனர்.
இந்தத் தொழில்நுட்பக் கோளாறு எதனால் ஏற்பட்டது? என்பது குறித்து கூகுள் நிறுவனம் இதுவரை அதிகாரப்பூர்வமான விளக்கம் எதையும் அளிக்கவில்லை. சர்வர் (Server) பராமரிப்புப் பணிகளின் போது ஏற்பட்ட கோழாரா அல்லது சைபர் தாக்குதல் ஏதேனும் காரணமா? என்ற கோணத்தில் விவாதங்கள் எழுந்தன. இதற்கிடையில், இந்த முடக்கம் குறித்து தகவல் அறிய எக்ஸ் (X) தளத்தில் பயனர்கள் குவிந்து வருவதால், #YouTubeDOWN என்ற ஹேஷ்டேக் உலக அளவில் ட்ரெண்டிங்கில் முதலிடம் பிடித்துள்ளது.
இந்நிலையில், கடந்த சில மணிநேரங்களாக யூடியூப் தளம் முடங்கிய நிலையில், தற்போது மீண்டும் சீரானது. இதற்கான காரணம் குறித்து விரைவில் கூகுள் நிறுவனம் விளக்கம் அளிக்கும் என்று எதிர்பார்க்கப்படுகிறது.
Read More : ஒரே இடத்தில் அமர்ந்து வேலை பார்ப்பவரா நீங்கள்..? ஆய்வு முடிவில் வெளியான சூப்பர் தகவல்..!!
