மே 1-ஆம் தேதி அன்று, மத்திய அரசு எல்பிஜி (LPG) எரிவாயு சிலிண்டர்களின் விலையில் மாற்றங்களைச் செய்தது. வணிக நோக்கங்களுக்காகப் பயன்படுத்தப்படும் 19 கிலோ சிலிண்டரின் விலை கடுமையாக உயர்த்தப்பட்டது. ஒரே நேரத்தில் இதன் விலை ரூ. 1,000 வரை அதிகரிக்கப்பட்டது. ஹோட்டல்கள் மற்றும் உணவகங்களில் பயன்படுத்தப்படும் வணிகச் சிலிண்டர்களின் விலையை உயர்த்தியதோடு மட்டுமல்லாமல், சாமானிய மக்களை அதிர்ச்சிக்குள்ளாக்கும் மற்றொரு முடிவையும் மத்திய அரசு எடுத்துள்ளது.
புலம்பெயர் தொழிலாளர்கள் மற்றும் மாணவர்களுக்காகக் கொண்டுவரப்பட்ட சிறிய அளவிலான 5 கிலோ சிலிண்டர்களின் விலையையும் இன்று உயர்த்த மத்திய அரசு முடிவு செய்துள்ளது. கடந்த மாதம் இவற்றின் விலை உயர்த்தப்பட்டிருந்த நிலையில், இந்த மாதமும் அவற்றின் விலையை அரசு அதிகரித்துள்ளது. இது சாமானிய மக்களிடையே பெரும் அதிர்ச்சியை ஏற்படுத்தியிருப்பதாகத் தெரிகிறது.
5 கிலோ ‘ஃப்ரீ டிரேட் எல்பிஜி’ (FTL) சிலிண்டர்களின் விலை ரூ. 261 உயர்த்தப்பட்டுள்ளது. இந்த உயர்த்தப்பட்ட விலைகள் மே 1-ஆம் தேதி முதல் அமலுக்கு வந்துள்ளதாக தெரிவிக்கிக்கப்பட்டுள்ளது.. சிறிய சிலிண்டர்களின் விலை கடந்த மாதமும் உயர்த்தப்பட்டிருந்தது. ஏப்ரல் 1-ஆம் தேதி அன்று இதன் விலை ரூ. 51 உயர்த்தப்பட்டது; ஆனால் தற்போது, ரூ. 261 உயர்த்தப்பட்டுள்ளது. இது புலம்பெயர் தொழிலாளர்கள் மற்றும் மாணவர்கள் மீது கடுமையான தாக்கத்தை ஏற்படுத்தும். இந்த விலை உயர்வுக்குப் பிறகு, பல்வேறு பகுதிகளில் 5 கிலோ சிலிண்டர்களின் விலை நிலவரம் எவ்வாறு உள்ளது என்பதை இப்போது காண்போம்.
5 கிலோ சிலிண்டர் விலை நிலவரம்:
மும்பையில் 5 கிலோ ‘Extra Light LPG’ சிலிண்டரின் விலை ரூ. 339 ஆகும். – மும்பையில் 5 கிலோ வீட்டு உபயோகச் சிலிண்டரின் விலை ரூ. 798 ஆகும். – மும்பையில் 5 கிலோ FTL வீட்டு உபயோகச் சிலிண்டரின் விலை ரூ. 1757 ஆகும். – டெல்லியில் 5 கிலோ ‘Extra Light’ சிலிண்டரின் விலை ரூ. 339 ஆகும். – ‘Extra Light FTL’ சிலிண்டரின் விலை ரூ. 3,363 ஆகும். – 5 கிலோ சிலிண்டரின் அடிப்படை விலை குறைவாக இருந்தாலும், வீட்டு உபயோகத் தேவைகள் மற்றும் வணிகத் தேவைகளைப் பொறுத்து அவற்றின் விலைகள் மாறுபடுகின்றன. சென்னையில் 5 கிலோ எடை கொண்ட மினி சிலிண்டர் (Chhotu Cylinder) விலை சுமார் ரூ.663.50 முதல் ரூ.700 வரை விற்கப்படுகிறது.
5 கிலோ சிலிண்டரை எவ்வாறு பெறுவது?
ஓரிடத்திலிருந்து மற்றொரு இடத்திற்கு அடிக்கடி இடமாற்றம் செய்பவர்களுக்கும், வாடகை அறைகளில் தங்கிப் படிக்கும் மாணவர்கள் மற்றும் பணிபுரியும் ஊழியர்களுக்கும் இந்தச் சிலிண்டர் மிகவும் பயனுள்ளதாக இருக்கும். இந்தச் சிலிண்டரைப் பெறுவதற்கு, ஏதேனும் ஒரு அடையாளச் சான்றைச் சமர்ப்பித்தாலே போதுமானது; முகவரிச் சான்று (Address Proof) எதுவும் தேவையில்லை. பாரத் பெட்ரோலியம் நிறுவனம் இந்தச் சிறிய சிலிண்டர்களை ‘Bharat Gas Mini’ என்ற பெயரிலும், இந்தியன் ஆயில் நிறுவனம் ‘Indane Chotu’ என்ற பெயரிலும் அறிமுகப்படுத்தியுள்ளன. ஆதார், வாக்காளர் அடையாள அட்டை, பான் அட்டை அல்லது ஓட்டுநர் உரிமம் போன்ற ஏதேனும் ஒரு செல்லுபடியாகும் அரசு அடையாள ஆவணத்தை எடுத்துக்கொண்டு எரிவாயு முகமை அலுவலகத்திற்குச் செல்வதன் மூலம், நீங்கள் இந்த எரிவாயுவை உடனடியாகப் பெற்றுக்கொள்ளலாம். மேலும், இதை மீண்டும் நிரப்புவதற்கு முன்பதிவு செய்ய வேண்டிய அவசியமில்லை; அருகிலுள்ள கடைகள், பெட்ரோல் நிலையங்கள் மற்றும் விற்பனை நிலையங்களிலேயே நீங்கள் இதை நிரப்பிக்கொள்ளலாம்.
