“ஒருவருடைய கையெழுத்து, அவருடைய தலையெழுத்தை மாற்றும்” என்ற பழமொழிக்கேற்ப, கையெழுத்து வடிவங்களில் சிறந்து விளங்கி, அகில இந்திய கையெழுத்து மற்றும் எழுத்துக்கலை அகாடமி நடத்திய மாநில அளவிலான போட்டியில் முதலிடம் பிடித்து, விரைவில் மத்திய அமைச்சர் தர்மேந்திர பிரதானிடம் இருந்து விருதைப் பெறவுள்ளார் பேராசிரியை சுஷ்மிதா சவுத்ரி.
நல்ல கையெழுத்தின் முக்கியத்துவத்தை உணர்த்தும் முயற்சியுடன், அகில இந்திய கையெழுத்து மற்றும் எழுத்துக்கலை அகாடமி மாநிலம் முழுவதும் 5,000 மாணவர்கள் மற்றும் ஆசிரியர்களுக்கு கையெழுத்துப் போட்டிகளை நடத்தியது. இந்தக் போட்டியில் கலந்து கொண்ட பேராசிரியைசுஷ்மிதா அறுபது நிமிடங்களில் முழு ஸ்கிரிப்டையும் முடித்து முதல் இடத்தைப் பிடித்தார். இவருக்கான விருது விரைவில், டெல்லியில் மத்திய அமைச்சரால் வழங்கப்பட உள்ளது.
ஆந்திர மாநிலத்தில் உள்ள குண்டூரைச் சேர்ந்தவர் பேராசிரியை சுஷ்மிதா. 31 வயதான இவர், இந்து பொறியியல் மற்றும் தொழில்நுட்பக் கல்லூரியில் சிவில் இன்ஜினியரிங் பிரிவில் பேராசிரியராக உள்ளார். சுஷ்மிதா தனது குழந்தைப் பருவத்திலிருந்தே கையெழுத்து மற்றும் எழுத்துக்களின் பல்வேறு வடிவங்களில் அதிகம் கவனம் செலுத்தியுள்ளார்.
முதலிடம் பிடித்த சுஷ்மிதா கூறியதாவது, “எனது தலைமையாசிரியர் கையெழுத்தின் பல்வேறு வடிவங்களைக் கற்றுக்கொள்வதற்கு எனக்கு ஆர்வத்தைத் தூண்டினார். அதனால், நான் கையெழுத்து, லூப் கர்சீவ், இத்தாலிய கர்சீவ் மற்றும் டைம்ஸ் ரோமன் ஆகியவற்றைக் கற்றுக்கொண்டேன், மேலும் அவற்றில் சிறந்து விளங்கினேன். ஒருவரின் கையெழுத்துடன் 5,000 ஆளுமைப் பண்புகள் இணைக்கப்பட்டுள்ளன. மாணவர்களின் கையெழுத்தைப் புரிந்துகொள்வது அவர்களின் கற்றல் பாணியையும் அவர்கள் பாடங்களின் போது தகவல்களை எவ்வாறு செயலாக்குகிறார்கள் என்பதையும் புரிந்துகொள்ள உதவும்”என்று கூறினார்.
