தமிழ்நாட்டையே உலுக்கிய அன்பு ஜோதி ஆசிரம வழக்கு.. சிபிசிஐடிக்கு மாற்றம்…

விழுப்புரம் அன்பு ஜோதி ஆசிரம வழக்கு சிபிசிஐடிக்கு மாற்றப்பட்டுள்ளது.

விழுப்புரம் மாவட்டம் கெடார் அருகே குண்டல புலியூர் பகுதியில் அன்பு ஜோதி என்ற பெயரில் ஆசிரமம் ஒன்று செயல்பட்டு வருகிறது. அங்கே மனநலம் பாதிக்கப்பட்டோர், ஆதரவற்றோர் மற்றும் மாற்றுத்திறனாளிகள் போன்ற 150 க்கும் அதிகமானோர் தங்க வைக்கப்பட்டு பராமரிக்கப்பட்டு வந்தார்கள். அந்த ஆசிரமத்தில் சேர்க்கப்பட்ட தனது மாமாவை காணவில்லை என்று சலீம்கான் என்பவர் சென்னை உயர்நீதிமன்றத்தில் ஆட்கொணர்வு மனுவை தாக்கல் செய்திருந்தார்..

இந்நிலையில் இந்த ஆசிரமத்தில் பராமரிக்கப்பட்டு வந்தவர்கள் அடித்து துன்புறுத்தப்பட்டதாகவும், பெண்கள் பாலியல் வன்கொடுமை செய்யப்பட்டதாகவும் புகார் எழுந்தது.. இந்த சம்பவம் அதிர்வலைகளை ஏற்படுத்திய நிலையில், இதுகுறித்து 13 பிரிவுகளின் கீழ் போலீசார் வழக்குப்பதிவு செய்துள்ளனர்..

இந்த வழக்கில் அன்பு ஜோதி இல்ல உரிமையாளர் ஜூபின் பேபி, மனைவி மரியா மற்றும் 6 ஊழியர்கள் கைது செய்யப்பட்டுள்ளனர்.. ஆசிரமத்தில் தங்கி இருந்த 140-க்கும் மேற்பட்டோர் மீட்கப்பட்ட நிலையில், 16 பேர் காணாமல் போயிருப்பது கண்டுபிடிக்கப்பட்டது.. இதுகுறித்து உரிய விசாரணை நடத்த வேண்டும் என்று பல்வேறு அரசியல் கட்சி தலைவர்களும் வலியுறுத்தி வருகின்றனர்.. இதனிடையே ஆசிரமத்தின் மர்மம் தொடர்பாக 4 தனிப்படைகள் அமைக்கப்பட்டது.. தனிப்படை போலீசார் விசாரணையை தீவிரப்படுத்தி உள்ளனர்..

இந்நிலையில் விழுப்புரம் அன்பு ஜோதி ஆசிரம வழக்கு சிபிசிஐடிக்கு மாற்றப்பட்டுள்ளது. தமிழக டிஜிபி இந்த சைலேந்திரபாபு உத்தரவிட்டுள்ளார்.. சிபிசிஐடி போலீசார் இந்த வழக்கை விரைவில் விசாரிக்க தொடங்குவார்கள் என்று எதிர்பார்க்கப்படுகிறது..

Maha

Next Post

தந்தைக்கு இன்ப அதிர்ச்சி வழங்கிய மகள்…..! சிறுமிக்கு நேர்ந்த பரிதாபம்…..!

Sat Feb 18 , 2023
மதுரை மாவட்டம் திருமங்கலத்தை அடுத்துள்ள கூடக்கோவில் பகுதியைச் சேர்ந்த ஒரு முதியவருக்கு 4 மகள்கள் 1 மகன் உள்ளிட்டோர் இருந்திருக்கிறார்கள். கடந்த சில நாட்களுக்கு முன்னர் ஏற்பட்ட சாலை விபத்தின் காரணமாக, முதியவரின் மகன் மரணம் அடைந்தார்.இதனை அடுத்து ஆண் வாரிசு இல்லாத காரணத்தால் தான் இரண்டாவதாக திருமணம் செய்து கொள்ள தவறாக தன்னுடைய மூத்த மகளிடம் முதியவர் தெரிவித்திருக்கிறார். இதனைக் கேட்டு அதிர்ந்து போன மூத்த மகள் யாரோ […]

You May Like