அகில இந்திய வங்கி பணியாளர்கள் சார்பில் வேலை நிறுத்தம் அறிவிக்கப்பட்டுள்ளது.
இது குறித்து வெளியான அறிவிப்பில், “வங்கி ஊழியர்கள் குறித்த பல்வேறு பிரச்சனைகளில் நிர்வாகம் தன்னிச்சையாக முடிவுகள் எடுக்கின்றது. இரு தரப்பில் இருந்தும், கலந்து ஆலோசனை செய்யாமல் மேம்போக்காக முடிவுகளை எடுக்கின்றனர்.
விதிமுறைகள் பலவற்றையும் மீறி நடவடிக்கை எடுக்கப்படுகிறது. மத்திய அரசு தொழிலாளர் நலத்துறை பிறப்பிக்கின்ற உத்தரவுகளை வங்கி நிர்வாகங்கள் எப்பொழுதும் கடைபிடிப்பது இல்லை.
பணியாளர் மற்றும் நிர்வாகத்திற்கு இடையே இருக்கும் உறவை அலட்சியமாக கையாளுகிறார்கள். இதன் காரணமாக, வரும் நவம்பர் 19ஆம் தேதி நாடு முழுவதும் வங்கி ஊழியர்கள் வேலை நிறுத்தத்தில் ஈடுபட இருக்கிறோம்.” என்று தெரிவிக்கப்பட்டுள்ளது.