2024 ஜனவரி முதல் ஏப்ரல் வரையிலான சம்பளப் பட்டியல் அறிக்கை வெளியிடப்பட்டுள்ளது.
ஊழியர் வருங்கால வைப்பு நிதி (இபிஎஃப்) திட்டம் தொழிலாளர் அரசு காப்பீட்டு (இஎஸ்ஐ) திட்டம், தேசிய ஓய்வூதியத் திட்டம் ஆகிய 3 பெரிய திட்டங்களில் சந்தாதாரர்களின் எண்ணிக்கை குறித்த தகவலைப் பயன்படுத்தி முறை சார்ந்தத் தொழில்களில் வேலைவாய்ப்புத் தொடர்பான தரவுகளை மத்திய புள்ளியியல் மற்றும் திட்ட அமலாக்க அமைச்சகம் வெளியிட்டுள்ளது.
இதன்படி, ஊழியர் வருங்கால வைப்பு நிதி (இபிஎஃப்) திட்டத்தில் 2023-24-ம் ஆண்டில் சந்தாதாரர்களின் எண்ணிக்கை 10,99,311 ஆகும். தொழிலாளர் அரசு காப்பீட்டு (இஎஸ்ஐ) திட்டத்தில், 2023-24-ம் ஆண்டில் சந்தாதாரர்களின் எண்ணிக்கை 1,67,60,872 ஆகும். தேசிய ஓய்வூதியத் திட்டத்தில் 2023-24-ம் ஆண்டில் சந்தாதாரர்களின் எண்ணிக்கை 9,37,020 என இருந்தது.
இந்தப் புள்ளி விவரம் மேற்குறிப்பிட்ட 3 முகமைகளின் தகவல் அடிப்படையில் வெளியிடப்பட்டிருப்பதால் மாற்றத்திற்கு உட்பட்டதாகும். அறிக்கையின் முழு விவரத்தை https://www.mospi.gov.in/sites/default/files/press_release/Payroll_Reporting-April-250624.pdf என்ற இணையதளத்தில் பார்க்கலாம் என மத்திய அரசு தெரிவித்துள்ளது.
