மேற்கு வங்க அமைச்சர் சென்ற வாகனம் சாலை விபத்தில் சிக்கியது.
மேற்கு வங்க அமைச்சர் பாபுல் சுப்ரியோ சென்ற வாகனம் சாலை விபத்தில் சிக்கியது. பிர்பூமின் ராம்பூர்ஹாட் மாவட்டத்தில் சுப்ரியோவின் கான்வாய் வேகமாக வந்த ஆட்டோ மீது மோதியதில் குறைந்தது ஏழு பேர் காயமடைந்தனர். ராம்பூர்ஹத் திருவிழாவில் கலந்து கொள்ள தனி காரில் சென்று கொண்டிருந்த அமைச்சர் காயமின்றி உயிர் தப்பினார். வாகனத் தொடரணியில் பாதுகாப்புப் பணியாளர்களை ஏற்றிச் சென்ற வாகனம் ஒன்று ஆட்டோ மீது மோதியது. இதனால் ஆட்டோவும், காவலாளிகளின் காரும் கவிழ்ந்தது.
இதைத் தொடர்ந்து 4 காவலாளிகள், ஆட்டோ டிரைவர் உள்பட 7 பேர் காயமடைந்தனர். சம்பவம் நடந்த உடனேயே, சைந்தியா காவல் நிலைய போலீஸார் சம்பவ இடத்துக்குச் சென்று மீட்புப் பணியில் ஈடுபட்டனர். முதலுதவி சிகிச்சைக்குப் பிறகு 2 பேர் விடுவிக்கப்பட்டனர். மீதமுள்ள 5 பேர் ராம்பூர்ஹாட் மருத்துவக் கல்லூரி மற்றும் மருத்துவமனைக்கு மாற்றப்பட்டுள்ளனர்.
