நடிகர் விஜய்யின் கட்சியின் பெயர் ”தமிழக வெற்றி கழகம்” என தேர்தல் ஆணையத்தில் பதிவு செய்யப்பட்டுள்ளது.
புதிதாக தொடங்கப்பட்ட கட்சியின் தலைவராக நடிகர் விஜய் தேர்வு செய்யப்பட்டுள்ளார். இதற்கு அனைத்து மாவட்ட முக்கிய நிர்வாகிகளிடம் ஒப்புதல் பெறப்பட்டுள்ளது. புதிதாக கட்சி தொடங்கப்பட்ட நிலையில், புதிய ஒரு செயலி நிறுவப்பட்டு அதன் மூலம் உறுப்பினர்கள் சேர்க்கும் பணி நடைபெறவுள்ளது.
இந்நிலையில், நடிகர் விஜய்யின் புதிய கட்சிக்கு தமிழக வெற்றி கழகம் என பெயரிடப்பட்டுள்ளது. டெல்லியில் உள்ள தலைமை தேர்தல் ஆணையத்தில் கட்சியை பதிவு செய்த நிலையில், நடிகர் விஜய் அறிவித்துள்ளார்.
இதற்கிடையே, சமூகத்தில் நன்மதிப்பில் உள்ளவர்களை கட்சியில் இரண்டாம் கட்டத் தலைவர்களாக உருவாக்க நடிகர் விஜய் திட்டமிட்டுள்ளார். அரசியல் சார்பின்றி செயல்படும் அமைப்புகளின் நிர்வாகிகளுக்கு விஜய் அழைப்பு விடுத்துள்ளதாக தகவல் வெளியாகியுள்ளது. மகளிர், ஒடுக்கப்பட்டோர், சுற்றுச்சூழல் பாதுகாப்பு தொடர்பான அமைப்புகளின் நிர்வாகிகளுக்கு அழைப்பு விடுக்கப்பட்டுள்ளது. கட்சியில் இணைந்து தன்னோடு செயல்படுமாறு விஜய் கேட்டுக்கொண்டுள்ளதாகவும் தகவல் வெளியாகியுள்ளது.