ராஜஸ்தான் மாநிலத்தில் தனியாக வீட்டிலிருந்த பட்டியல் இனத்தைச் சார்ந்த பெண்ணை பாலியல் பலாத்காரம் செய்ததோடு நெருப்பு வைத்து எரித்த சம்பவம் பெரும் அச்சத்தையும் பரபரப்பையும் ஏற்படுத்தி இருக்கிறது. இச்சம்பவம் தொடர்பாக அப்பகுதியைச் சார்ந்த ஒருவர் கைது செய்யப்பட்டுள்ளார். ராஜஸ்தான் மாநிலத்தின் பார்மா மாவட்டத்தைச் சார்ந்த 40 வயது தலித் பெண் ஒருவரை அப்பகுதியைச் சார்ந்த நபர் பாலியல் வன்கொடுமை செய்ததோடு அவரது உடலில் தீ வைத்து காயப்படுத்தி இருக்கிறார். இறந்த பெண் நாப்பது சதவீதம் தீக்காய்களுடன் தற்போது மருத்துவமனையில் சிகிச்சை பெற்று வருகிறார். இந்தச் சம்பவம் தொடர்பாக காவல்துறையினர் வழக்கு பதிவு செய்து விசாரணை செய்து வருகின்றனர்.
சம்பவம் நடந்த தினத்தன்று தனது பணியை முடித்துவிட்டு வீட்டிற்கு வந்திருக்கிறார் அந்த பட்டியல் இனத்தைச் சார்ந்த பெண். அப்போது இவரது வீட்டிற்குள் புகுந்த ஷாகூர் என்ற நபர் அந்தப் பெண்ணை பாலியல் வன்புணர்வு செய்ததோடு அவர் மீது ஒரு வித ரசாயனத்தை ஊற்றி தீப்பற்ற வைத்திருக்கிறார். இச்சம்பவத்தில் அந்தப் பெண்ணின் அலறல் சத்தம் கேட்டு அருகில் இருந்தவர்கள் அவரை மீட்டு மருத்துவமனையில் அனுமதித்தனர். இந்த சம்பவம் தொடர்பாக காவல்துறையினர் நடத்திய தீவிர விசாரணையில் ஷாகூர் கைது செய்யப்பட்டு தற்போது மத்திய சிறையில் அடைக்கப்பட்டுள்ளார். இந்த வழக்கு தொடர்பாக தீவிரமான விசாரணை நடைபெற்று வருவதாக காவல்துறை தரப்பு தெரிவித்துள்ளது.
