அடுத்த காலாண்டில் சிறு சேமிப்பு திட்டங்களின் வட்டியை அதிகரிக்க மத்திய அரசு முடிவு செய்துள்ளது..
சாமானிய மக்களுக்கு உதவும் வகையில் பல்வேறு சிறு நேமிப்பு திட்டங்களை மத்திய அரசு செயல்படுத்தி வருகிறது.. இந்த சிறுசேமிப்பு திட்டங்கள் தான் நடுத்தர மக்களின் பிரதான முதலீடாக உள்ளது. குழந்தைகள், படிப்பு செலவு, திருமண செலவு என பல்வேறு எதிர்கால செலவினங்களுக்காக ம்க்கள் இந்த சிறு சேமிப்பு திட்டங்களில் முதலீடு செய்கின்றனர்.. இந்த சிறு சேமிப்பு திட்டங்களுக்கான வட்டி விகிதங்கள் காலாண்டு அடிப்படையில் நிதி அமைச்சகத்தால் மதிப்பாய்வு செய்யப்பட்டு அறிவிக்கப்படும்.
அந்த வகையில் சிறு சேமிப்பு திட்டங்களின் வட்டியை அதிகரிக்க மத்திய அரசு முடிவு செய்துள்ளது.. அடுத்த காலாண்டில், அதாவது அக்டோபர்-டிசம்பர் 2022 வரை சிறு சேமிப்பு திட்டங்களின் வட்டி விகிதங்களை 10 முதல் 30 அடிப்படை புள்ளிகள் அதிகரிக்க நிதி அமைச்சகம் முடிவு செய்துள்ளது. 4 வருட இடைவெளிக்குப் பிறகு இந்த நடவடிக்கை எடுக்கப்பட்டுள்ளது.
வட்டி விகிதங்கள் உயர்த்தப்பட்ட சிறு சேமிப்பு திட்டங்களின் பட்டியல்
- மூத்த குடிமக்கள் சேமிப்புத் திட்டத்தின் வட்டி விகிதம் 20 அடிப்படை புள்ளிகள் உயர்த்தப்பட்டு 7.6% ஆக உள்ளது
- கிசான் விகாஸ் பத்ரா திட்டத்தின் வட்டி விகிதம் 10 அடிப்படை புள்ளிகள் அதிகரித்து 7% ஆக உள்ளது.
- 3 ஆண்டு கால அஞ்சலக நேர வைப்புத்தொகையின் வட்டி விகிதம் 30 அடிப்படை புள்ளிகள் உயர்த்தப்பட்டு 5.8% ஆகவும், 2 ஆண்டு காலம் 20 அடிப்படை புள்ளிகள் அதிகரிக்கப்பட்டு ஆக 5.7% ஆகவும் உயர்த்தப்பட்டுள்ளது.
எனினும் பிபிஎஃப் (PPF) மற்றும் சுகன்யா சம்ரிதி யோஜனா வட்டி விகிதங்கள் மாறாமல் வைக்கப்பட்டுள்ளன. கடைசியாக 2018ல் இந்த திட்டங்களுக்கான வட்டி விகிதங்கள் அதிகரிக்கப்பட்டன என்பது குறிப்பிடத்தக்கது.
