சென்னையில் ஆபரணத் தங்கத்தின் விலை கிராமுக்கு ரூ.8 குறைந்து ரூ.5,375-க்கு விற்பனை செய்யப்படுகிறது.
உக்ரைன் – ரஷ்யா போர் உள்ளிட்ட பல காரணங்களால் சர்வதேச அளவில் பொருளாதார அச்சுறுத்தல்கள் ஏற்பட்டுள்ளது. கச்சா எண்ணெய், தங்கம் ஆகியவற்றின் விலை உயர்ந்து கொண்டே வருகிறது. பாதுகாப்பு கருதி பல முதலீட்டாளர்கள் பங்குச்சந்தையில் இருந்து பணத்தை எடுத்து தங்கத்தில் முதலீடு செய்து வருகின்றனர். இதனால் தங்கத்தின் தேவை அதிகரித்து காணப்படுகிறது.
இந்நிலையில், இன்று சென்னையில், 22 கேரட் ஆபரணத் தங்கத்தின் விலை கிராமுக்கு ரூ.8 குறைந்து ஒரு கிராம் ஆபரணத் தங்கத்தின் விலை ரூ.5,375-க்கு விற்பனை செய்யப்படுகிறது. சவரனுக்கு ரூ.64 குறைந்து ஒரு சவரன் தங்கம் ரூ.43,000-க்கு விற்பனையாகிறது. அதேபோல், வெள்ளியின் விலை, கிராமுக்கு ரூ.1.50 காசுகள் குறைந்து ஒரு கிராம் வெள்ளியின் விலை ரூ.73.50-க்கு, விற்பனை செய்யப்படுகிறது. ஒரு கிலோ வெள்ளியின் விலை ரூ.1,500 குறைந்து ரூ.73,500-க்கு விற்பனை செய்யப்படுகிறது.
