போபாலில் உள்ள தனியார் பள்ளியில் பணிபுரியும் ஆசிரியர் ஒருவர் 3 வயது சிறுமியை பாலியல் பலாத்காரம் செய்த சம்பவம் அதிர்ச்சியை ஏற்படுத்தியுள்ளது. செப்டம்பர் 16 அன்று, பள்ளியிலிருந்து வீடு திரும்பிய பிறகு, அந்த சிறுமி உடல் நலம் மிக மோசமாக இருந்தது. சிறுமியால் சரியாக நடக்க முடியவில்லை. தாய் தனது குழந்தையின் உடலை சோதித்தபோது, அவரது அந்தரங்க பகுதிகளில் காயங்கள் மற்றும் தழும்புகள் இருப்பதைக் கண்டு அதிர்ச்சியடைந்தார்.
உடனே பள்ளிக்கு சென்ற சிறுமியின் தாய், அந்த ஆசிரியரின் பெயரைக் குறிப்பிட்டு பள்ளி நிர்வாகத்திடம் புகார் அளித்தார். ஆனால் இதனை பள்ளி நிர்வாகம் ஒரு பொருட்டாக எண்ணாமல், சொல்வதை காது கொடுத்து கூட கேக்கவில்லை என பாதிக்கப்பட்ட சிறுமியின் தாய் குற்றம் சாட்டினார்.
போலீசார் நடவடிக்கை
இதையடுத்து அந்த பெண் கமலா நகர் காவல் நிலையத்திற்கு வந்தார். அவரது புகாரை கேட்ட போலீசார் பள்ளிக்கு விரைந்து வந்து விசாரணை நடத்தி ஊழியர்களிடம் வாக்குமூலம் பதிவு செய்தனர். அதன்பிறகு ஆசிரியரை விசாரணைக்காக காவலில் வைத்தனர். போக்சோ சட்டத்தின் கீழ் எப்ஐஆர் பதிவு செய்யப்பட்டு விசாரணை நடைபெற்று வருகிறது. பாதிக்கப்பட்டவர் சிறுமி மருத்துவமனையில் சிகிச்சை பெற்று வருகிறார்.
மாநிலத்தில் சமீபகாலமாக அடிக்கடி பலாத்காரச் சம்பவங்கள் நிகழ்ந்து வருகின்றன, இது பெண்களின் பாதுகாப்பு குறித்த கேள்விகளை எழுப்புகிறது. சமீபத்தில் உஜ்ஜயினியில் நடந்த ஒரு சம்பவத்தில், நடைபாதையில் பட்டப்பகலில் ஒரு பெண் பாலியல் பலாத்காரம் செய்யப்பட்டதைக் கண்டு, அவ்வழியாகச் சென்றவர்கள் பார்வையாளர்களாக அமைதியாக இருந்தனர். சிலர் இந்த சம்பவத்தை பதிவு செய்து சமூக வலைதளங்களில் பரப்பியது குறிப்பிடத்தக்கது.
Read more ; என்னது.. அரிசி உணவு புற்றுநோய் அபாயத்தை அதிகரிக்குமா? அதிர்ச்சியூட்டும் ஆய்வு முடிவுகள்..!!
