திருவள்ளூர் மாவட்டம் ஆர்.கே.பேட்டை ஊராட்சி ஒன்றியம் மயிலாடும்பாறை கிராமத்தில் வசித்து வருபவர் பவித்ரா (22). இவர் ஆர்.கே.பேட்டை அருகே இருக்கும் ஒரு தனியார் நிறுவனத்தில் வேலை பார்த்து வந்தார். அதே நிறுவனத்தி்ல் வேலை பார்த்து வந்தவர் சவுந்தரராஜன் (25). ஆர்.கே. பேட்டை அருகே கொண்டாபுரம் காலனியில் வசிப்பவர்.
சவுந்தரராஜனும், பவித்ராவும் காதலித்து சில மாதங்களுக்கு முன் திருமணம் செய்து கொண்டனர். திருமணத்துக்கு அவர்களது பெற்றோர் சம்மதிக்கவில்லை. தற்போது பவித்ரா 5ஐந்து மாத கர்ப்பமாக இருந்துள்ளார். இந்த நிலையில் கணவன், மனைவி இருவருக்கும் இடையே அடிக்கடி தகராறு ஏற்பட்டு வந்துள்ளது. இந்நிலையில் நேற்று காலை கொண்டாபுரம் காலனியில் இருக்கும் சவுந்தரராஜன் வீட்டில் ஒரே சேலையில் பவித்ராவும், சவுந்தரராஜனும் தூக்குப்போட்டு தற்கொலை செய்து கொண்டனர்.
இதனால் அதிர்ச்சி அடைந்த உறவினர்கள், காவல் நிலையத்திற்கு தகவல் கொடுத்தனர். சம்பவ இடத்துக்கு வந்த ஆர்.கே.பேட்டை காவல்துறையினர், இரண்டு பேரின் உடல்களையும் பிரேத பரிசோதனைக்கு அரசு மருத்துவமனைக்கு அனுப்பி வைத்தனர். மேலும் இதுகுறித்து காவல்துறையினர் வழக்குப்பதிவு செய்து விசாரித்து வருகின்றனர்.
