திருவள்ளூர் மாவட்டம் மீஞ்சூர் அடுத்துள்ள அத்திப்பட்டு புதுநகர் பகுதியைச் சேர்ந்தவர் வேலு (50) இவருடைய மகன் சதீஷ் (20) இவர் கொருக்குப்பேட்டையில் உள்ள ஒரு தனியார் கல்லூரியில் பி சி ஏ மூன்றாம் ஆண்டு படித்து வந்தார் இந்த நிலையில் குடும்ப வறுமையின் காரணமாக, தன்னுடைய செலவுக்கு அவ்வப்போது நண்பருடன் சேர்ந்து பல்வேறு நிகழ்ச்சிகளில் உணவு பரிமாறும் வேலைக்கு சென்று சம்பாதித்து வந்துள்ளார் சதீஷ்.
இவ்வாறான நிலையில், 23ம் தேதி மீஞ்சூரில் உள்ள ஒரு தனியார் திருமண மண்டபத்தில் நடந்த நிகழ்ச்சி ஒன்றில் சதீஷ் சமையல் வேலை பார்ப்பதற்காக சென்றிருந்தார். அப்போது பெரிய பாத்திரத்தில் கொதித்துக் கொண்டிருந்த ரசத்தில் அவர் எதிர்பாராத விதமாக தவறி விழுந்துள்ளார். இதில் அவருடைய உடல் வென்று உயிருக்கு போராடிக் கொண்டிருந்தார்.
இதனைக் கண்ட அவருடைய நண்பர்கள் அதிர்ச்சியில் உறைந்து போயினர். உடனடியாக அங்கே சமையல் பணியில் இருந்த மற்ற நபர்கள் சதீஷின் நண்பர்கள் உள்ளிட்டோர் அவரை மீட்டு கீழ்ப்பாக்கம் அரசு மருத்துவமனையில் அங்கே அவருக்கு மருத்துவர்கள் தீவிர சிகிச்சை வழங்கினர். ஆனாலும் அவர் சிகிச்சை பலனின்றி பரிதாபமாக உயிரிழந்தார். இந்த சம்பவம் குறித்து வழக்கு பதிவு செய்த காவல்துறையினர் விசாரணை மேற்கொண்டு வருகின்றன.
