விருதுநகர் மாவட்டம் அருப்புக்கோட்டை அருகே கரிசல்குளத்தில் வசித்து வருபவர் முத்துசெல்வம். இவர் தனது காரில் விருதுநகர் சென்று விட்டு வீட்டுக்கு திரும்பி கொண்டிருந்தார். அப்போது பெண் ஒருவர் பாலவனத்தம் பேருந்து நிறுத்தம் பகுதியில் நின்று கொண்டு இருந்தார். அந்த வழியாக காரில் வந்த முத்துசெல்வம், தெரிந்தவர் என்பதால் அந்த பெண்ணுக்கு லிப்ட் கொடுத்துள்ளார். பிறகு, அந்த பெண்ணை முத்துசெல்வன் ஒரு இடத்தில இறக்கி விட்டுள்ளார்.
அப்போது காரில் பின்னால் வந்த மர்ம கும்பல் ஒன்று முத்துசெல்வத்தை தாக்கி விட்டு அந்த பெண்ணை கடத்தி சென்றனர். அந்த பெண்ணை கூட்டு பாலியல் பலாத்காரம் செய்த அவர்கள், அந்த பெண் அணிந்திருந்த ஐந்து பவுன் நகையையும் எடுத்துச் சென்றனர். இது குறித்த புகாரின் பேரில் சிசிடிவி பதிவுகளை வைத்து காவல்துறையினர் விசாரணை நடத்தினர். இந்நிலையில் பெண்ணை கடத்தி சென்று கூட்டு பாலியல் பலாத்காரம் செய்த சம்பவத்தில் இரண்டு சிறுவன் உட்பட ஐந்து பேரை காவல்துறையினர் கைது செய்துள்ளனர்.
மேலும் தலைமறைவாக இருக்கும் இரண்டு பேரை காவல்துறையினர் தீவிரமாக தேடி வருகின்றனர். அவர்கள் மீது ஆள்கடத்தல், கூட்டு பாலியல் பலாத்காரம், நகைக் கொள்ளை போன்ற 9 பிரிவுகளில் வழக்குப்பதிவு செய்து விசாரணை செய்து வருகின்றனர். இந்த சம்பவம் அந்த பகுதியில் பெரும் பரபரப்பை ஏற்படுத்தியுள்ளது.
