சேலம் மாவட்டம் ஓமலூரில் இருக்கின்ற அதிமுக கட்சி அலுவலகத்தில் அந்த கட்சியின் பொதுச் செயலாளர் எடப்பாடி பழனிச்சாமி நிர்வாகிகளுடன் ஆலோசனை நடத்தினார். இதனை தொடர்ந்து, அவர் பத்திரிகையாளர்களுக்கு பேட்டி அளித்தார். அப்போது ஓபிஎஸ் மற்றும் டிடிவி தினகரன் ஒன்றிணைந்து இருப்பது மாயமானும்,மண் குதிரையும் ஒன்று சேர்ந்து இருப்பதை போல உள்ளது என்று தெரிவித்திருக்கிறார்.
அரசியல் ரீதியாக என்னை எதுவும் செய்ய இயலவில்லை என்பதற்காக மிலானி என்ற திமுக கட்சியைச் சேர்ந்தவர் மூலமாக என் மீது வழக்கு தொடர்ந்திருக்கிறார்கள். அதனை சட்டப்படி சந்திப்போம் வருவாய் குறைவாக காட்டியுள்ளதாக கூறியிருக்கிறார்கள்.
ஆனால் அப்படி அல்ல, என்ன இருக்கிறதோ அதைத்தான் நான் காட்டி இருக்கிறேன். நான் எந்த ஒரு தொழிலையும் செய்யவில்லை, விவசாயம் மட்டும் தான் செய்து வருகிறேன். அதோடு எந்த சொத்தையும் மறைக்கவில்லை. அதிலும் குறிப்பாக என் மீது எந்த சொத்தும் கிடையாது. நான் இதுவரையில் என் பெயரில் எந்த சொத்தையும் வாங்கவில்லை என்று அவர் கூறியிருக்கிறார்.
